明天便是2020年最後一天,今年人人深受疫情影響,沒有多姿多采的節目,反而多加留意身邊的大小事,上了心靈的一課。過去一年,對藝人而言,能夠突破自己就是最難忘,三屆視帝黎耀祥,為了拍劇瘋狂操肌,縱然艱辛,但獲得前所未有的讚美,令他深感滿足。
現年56歲的黎耀祥,在無綫一眾大隻小生來說,身材當然輸蝕,但他在今年播出的《殺手》中,竟然曬出一身結實肌肉,令觀眾刮目相看。祥仔開心說:「《殺手》出街之後,大家都驚訝我原來好fit,之前從來都無人話過我大隻㗎嘛!」
祥仔曾表示拍《殺手》時不但操肌,又要應付連場動作戲,一度講笑稱以為《殺手》是遺作:「拍完《殺手》之後,我同自己講唔會再操肌,點知依家要拍《拳王》又要再操過!」祥仔在社交網大曬操練照,留言:「對自己最苛刻的人,從來都是自己。」為了演繹過氣拳手一角,祥仔已減去超過15磅,但他坦言年紀大,操肌效果未必及年輕人,壓力非常大:「不過因為壓力,先會有推動力,令自己去做以前從來無諗過會做嘅事。拍戲畀人打我都無咁大壓力,但係除衫騷肌就無得呃人,一定要落力操,以後真係咪搞啦!」不過努力有成果,與祥仔合作拍《拳王》的姚子羚亦大讚:「我問過阿嫂之後,摸過祥哥一下,佢嘅胸肌幾有料到!」
王敏奕: 一圓歌手夢
在劇集《香港愛情故事》表現突出的王敏奕,回顧今年難忘事,絕對是一圓歌手夢想。九月時簽約星夢娛樂的王敏奕說:「希望明年出唱片,不過未有具體日子,首先我要拍完手頭上三部劇先!」她笑言會在出碟前努力裝備自己:「話晒係頭炮,想多啲時間認真去做,唔想成件事太倉卒。」
踩過界做歌手,雖然暫未能欣賞王敏奕的歌喉,但她笑說:「老公(曾國祥)好支持我做歌手!雖然我做乜,佢都會支持,不過佢聽過我唱歌,仲讚我唱得好好聽!」
劉佩玥: 多咗一對「仔女」
劉佩玥(Moon)笑言今年最開心的,是身邊兩位好友分別生了小孩,令她榮升契媽。她在社交網分享湊B照,留言說:「既然我抱佢又唔喊又好快瞓着,不如請我做褓姆啦,最多我收平啲。#對於bb我係有一手嘅#或者因為我哋一樣都咁可愛#又或者一樣咁肥」
Moon感慨表示今年因疫情關係,人人生活也有不少變化:「無論大家面對乜嘢情況都好,2020相信對於好多人嚟講,都係非常值得學習嘅一年,學識正面咁去面對唔同嘅環境。」她寄語大家要好好生活:「生活上要搵到自己嘅幸福同快樂,唔好過於執着自己嘅唔好,要學習控制情緒,同埋調節每件事嘅心態。」
張振朗: 在家健身練意志
張振朗今年有五部劇集出街,包括《機場特警》、《反黑路人甲》、《使徒行者3》、《踩過界II》及《堅離地愛堅離地》,成績令人羨慕,不過今年令振朗最難忘的並非事業,反而是疫情之下,被迫留家做gym抗疫。
振朗說:「呢排拍緊《拳王》,所以要練得一身肌肉,如果係以前,我一定去健身室跟教練狂操,但依家健身室要暫時關閉做唔到gym,對我嚟講好痛苦,因為要留喺屋企自己操,真係好靠意志。」他笑言幸好早年購買一套調校式啞鈴在家,終於可派上用場。
採訪︰Pauline
編輯:李潔盈
美術:梁政敏
▲祥仔減磅後明顯回春,獲姚子羚大讚。(資料圖片)
▲祥仔為演《拳王》再入健身房,希望身形比《殺手》時更fit。(黑白圖片)
▲王敏奕成為人妻後,更能專心發展事業,完成夢想。
▲王敏奕簽約星夢,日後有機會獻唱劇集主題曲。(資料圖片)
▲曾國祥的絕對支持,令王敏奕更覺「無嫁錯人」。(IG圖片)
▲劉佩玥自稱照顧BB有一手,未知何時到她生小朋友呢?(IG圖片)
▲張振朗在《機場特警》中大曬麒麟臂。
▲曾經是瘦弱「潺仔」的張振朗,努力下變成大隻型男。(資料圖片)
-
天氣愈熱蝴蝶愈多 去年港錄125種 5品種首現蹤影 |
|
-
6旬漢打疫苗後亡 孔繁毅:難排除無間接關係 聶德權稱已「第一時間交代」 |
|
-
-
人大會議商完善港選舉制度 特首選委擬增至1500人 |
|
-
-
-
「職業治療個人化 提升類風濕性關節炎患者自理能力」 |
|
-
-
-
「迷你工作室靈活租約 有助彈性創業 疫下殺出新血路」 |
|
-
「類風濕性關節炎致進食困難 注重營養吸收 避免骨質疏鬆」 |
|
-
「註冊藥劑師推介 陳琪、麥雅緻大讚 法國天然療法保健品 預防+紓緩外感初發症狀」 |
|
-
-
「停經針」抑制卵巢功能 未停經晚期HR+/HER2-乳癌擴闊治療方案」 |
|
您也可能喜歡...
-
高難度滑雪動作嚇窒Mani 謝霆鋒挑機︰有本事來抓
|
-
同導演「講數」拒太太被睇蝕 鄧健泓自認大男人︰我有底綫
|
辛苦操肌獲讚勁興奮 黎耀祥:以前從來無人話我大隻 - 晴報 - 娛樂 - 娛樂 - D201230
辛苦操肌獲讚勁興奮 黎耀祥:以前從來無人話我大隻 - 晴報 - 娛樂 - 娛樂
明天便是2020年最後一天,今年人人深受疫情影響,沒有多姿多采的節目,反而多加留意身邊的大小事,上了心靈的一課。過去一年,對藝人而言,能夠突破自己就是最難忘,三屆視帝黎耀祥,為了拍劇瘋狂操肌,縱然艱辛
https%3A%2F%2Fskypost.ulifestyle.com.hk%2Farticle%2F2840268%2F%E8%BE%9B%E8%8B%A6%E6%93%8D%E8%82%8C%E7%8D%B2%E8%AE%9A%E5%8B%81%E8%88%88%E5%A5%AE%20%E9%BB%8E%E8%80%80%E7%A5%A5%EF%BC%9A%E4%BB%A5%E5%89%8D%E5%BE%9E%E4%BE%86%E7%84%A1%E4%BA%BA%E8%A9%B1%E6%88%91%E5%A4%A7%E9%9A%BB
https://skypost.ulifestyle.com.hk/article/2840268/%E8%BE%9B%E8%8B%A6%E6%93%8D%E8%82%8C%E7%8D%B2%E8%AE%9A%E5%8B%81%E8%88%88%E5%A5%AE%20%E9%BB%8E%E8%80%80%E7%A5%A5%EF%BC%9A%E4%BB%A5%E5%89%8D%E5%BE%9E%E4%BE%86%E7%84%A1%E4%BA%BA%E8%A9%B1%E6%88%91%E5%A4%A7%E9%9A%BB
https://resource01-proxy.ulifestyle.com.hk/res/v3/image/content/2840000/2840268/20201230JLC009__20201230_L.jpg
https://resource01-proxy.ulifestyle.com.hk/res/v3/image/content/2840000/2840268/
娛樂
娛樂
007
2840268
503
503002
娛樂 娛樂
黎耀祥,殺手,姚子羚,王敏奕,香港愛情故事,曾國祥,歌手,劉佩玥,疫情,張振朗,健身,機場特警,使徒行者,踩過界,堅離地愛堅離地,演員
實體詞,人物,黎耀祥,實體詞,電視/電影/電台節目名,殺手,實體詞,人物,姚子羚,實體詞,人物,王敏奕,實體詞,電視/電影/電台節目名,香港愛情故事,實體詞,人物,曾國祥,娛樂,娛樂人物職業,歌手,實體詞,人物,劉佩玥,時事,社會民生,疫情,實體詞,人物,張振朗,實體詞,體育項目,健身,實體詞,電視/電影/電台節目名,機場特警,實體詞,電視/電影/電台節目名,使徒行者,實體詞,電視/電影/電台節目名,踩過界,實體詞,電視/電影/電台節目名,堅離地愛堅離地,娛樂,娛樂人物職業,演員