【聲明】港生活網站並無進行電話推廣活動

辛苦操肌獲讚勁興奮 黎耀祥:以前從來無人話我大隻

發佈時間: 2020/12/30

明天便是2020年最後一天,今年人人深受疫情影響,沒有多姿多采的節目,反而多加留意身邊的大小事,上了心靈的一課。過去一年,對藝人而言,能夠突破自己就是最難忘,三屆視帝黎耀祥,為了拍劇瘋狂操肌,縱然艱辛,但獲得前所未有的讚美,令他深感滿足。

現年56歲的黎耀祥,在無綫一眾大隻小生來說,身材當然輸蝕,但他在今年播出的《殺手》中,竟然曬出一身結實肌肉,令觀眾刮目相看。祥仔開心說:「《殺手》出街之後,大家都驚訝我原來好fit,之前從來都無人話過我大隻㗎嘛!」

祥仔曾表示拍《殺手》時不但操肌,又要應付連場動作戲,一度講笑稱以為《殺手》是遺作:「拍完《殺手》之後,我同自己講唔會再操肌,點知依家要拍《拳王》又要再操過!」祥仔在社交網大曬操練照,留言:「對自己最苛刻的人,從來都是自己。」為了演繹過氣拳手一角,祥仔已減去超過15磅,但他坦言年紀大,操肌效果未必及年輕人,壓力非常大:「不過因為壓力,先會有推動力,令自己去做以前從來無諗過會做嘅事。拍戲畀人打我都無咁大壓力,但係除衫騷肌就無得呃人,一定要落力操,以後真係咪搞啦!」不過努力有成果,與祥仔合作拍《拳王》的姚子羚亦大讚:「我問過阿嫂之後,摸過祥哥一下,佢嘅胸肌幾有料到!」

王敏奕: 一圓歌手夢

在劇集《香港愛情故事》表現突出的王敏奕,回顧今年難忘事,絕對是一圓歌手夢想。九月時簽約星夢娛樂的王敏奕說:「希望明年出唱片,不過未有具體日子,首先我要拍完手頭上三部劇先!」她笑言會在出碟前努力裝備自己:「話晒係頭炮,想多啲時間認真去做,唔想成件事太倉卒。」

踩過界做歌手,雖然暫未能欣賞王敏奕的歌喉,但她笑說:「老公(曾國祥)好支持我做歌手!雖然我做乜,佢都會支持,不過佢聽過我唱歌,仲讚我唱得好好聽!」

劉佩玥: 多咗一對「仔女」

劉佩玥(Moon)笑言今年最開心的,是身邊兩位好友分別生了小孩,令她榮升契媽。她在社交網分享湊B照,留言說:「既然我抱佢又唔喊又好快瞓着,不如請我做褓姆啦,最多我收平啲。#對於bb我係有一手嘅#或者因為我哋一樣都咁可愛#又或者一樣咁肥」

Moon感慨表示今年因疫情關係,人人生活也有不少變化:「無論大家面對乜嘢情況都好,2020相信對於好多人嚟講,都係非常值得學習嘅一年,學識正面咁去面對唔同嘅環境。」她寄語大家要好好生活:「生活上要搵到自己嘅幸福同快樂,唔好過於執着自己嘅唔好,要學習控制情緒,同埋調節每件事嘅心態。」

張振朗: 在家健身練意志

張振朗今年有五部劇集出街,包括《機場特警》、《反黑路人甲》、《使徒行者3》、《踩過界II》及《堅離地愛堅離地》,成績令人羨慕,不過今年令振朗最難忘的並非事業,反而是疫情之下,被迫留家做gym抗疫。

振朗說:「呢排拍緊《拳王》,所以要練得一身肌肉,如果係以前,我一定去健身室跟教練狂操,但依家健身室要暫時關閉做唔到gym,對我嚟講好痛苦,因為要留喺屋企自己操,真係好靠意志。」他笑言幸好早年購買一套調校式啞鈴在家,終於可派上用場。

採訪︰Pauline

編輯:李潔盈

美術:梁政敏

辛苦操肌獲讚勁興奮 黎耀祥:以前從來無人話我大隻

祥仔減磅後明顯回春,獲姚子羚大讚。(資料圖片)

辛苦操肌獲讚勁興奮 黎耀祥:以前從來無人話我大隻

祥仔為演《拳王》再入健身房,希望身形比《殺手》時更fit。(黑白圖片)

辛苦操肌獲讚勁興奮 黎耀祥:以前從來無人話我大隻

王敏奕成為人妻後,更能專心發展事業,完成夢想。

辛苦操肌獲讚勁興奮 黎耀祥:以前從來無人話我大隻

王敏奕簽約星夢,日後有機會獻唱劇集主題曲。(資料圖片)

辛苦操肌獲讚勁興奮 黎耀祥:以前從來無人話我大隻

曾國祥的絕對支持,令王敏奕更覺「無嫁錯人」。(IG圖片)

辛苦操肌獲讚勁興奮 黎耀祥:以前從來無人話我大隻

劉佩玥自稱照顧BB有一手,未知何時到她生小朋友呢?(IG圖片)

辛苦操肌獲讚勁興奮 黎耀祥:以前從來無人話我大隻

張振朗在《機場特警》中大曬麒麟臂。

辛苦操肌獲讚勁興奮 黎耀祥:以前從來無人話我大隻

曾經是瘦弱「潺仔」的張振朗,努力下變成大隻型男。(資料圖片)