王灝兒 (JW) 處女下海拍劇，參與無綫新劇《欺詐劇團》演出，JW唱功了得眾所周知，但演技方面仍是未知數。她將拍攝現場一些花絮紀錄下來，其IG story片段可見，她苦臉拿著紙張當扇撥涼，大呼「好熱呀」，相信是因為在戶外取景的緣故。有貼心女工作人員雙手拿起兩塊反光板為她遮擋太陽，同劇演員林德信似乎都熱到一個點，望著鏡頭只有苦笑。
JW因為嗌熱，即被「疑似Hana粉絲」留言狂鬧。(圖片：JW IG)
JW和林德信在新劇《欺詐劇團》中首度合作，未拍完已經話唔捨得煞科。(圖片：林德信IG)
而看來JW和林德信合作得相當愉快，各自在自己的IG發放同一張花絮相，JW興奮分享感受︰「可以完全投入一個角色，不顧形象地釋放、演出，即係好似忍咗好耐，終於可以去廁所大便嘅感覺， 好·舒·服！好·暢·順！我真係好享受今次第一次拍劇嘅experience！就嚟拍完嘞，已經有啲唔捨得啦！」
JW首次拍戲當然開心啦，不過就似乎觸動到疑似菊梓喬 (Hana) 粉絲的神經 (二人同為星夢娛樂旗下歌手)，並在林德信的IG兩度留言大罵JW「公主病」，卻將JW中文名寫錯成「王浩兒」，「『王浩兒』唔捱得辛苦就咪鬼拍劇啦，個樣生成咁仲可以做大台女主角，又無演技又無身材」、「喺度話熱，人哋其他人拍劇都無你咁公主病，學吓菊菊啦，人哋之前拍《刑偵日記》都唔辛苦呀，仲好努力咁讀熟劇本，邊似得你，埋位前狂放相曬命」。
（↓點擊圖片放大↓）
- {{hket:inline-image name="60.jpeg"}}{{/hket:inline-image}}
- {{hket:inline-image name="50.JPG"}}{{/hket:inline-image}}
- {{hket:inline-image name="49.JPG"}}{{/hket:inline-image}}
- {{hket:inline-image name="43.jpg"}}{{/hket:inline-image}}
- {{hket:inline-image name="69.jpeg"}}{{/hket:inline-image}}
- {{hket:inline-image name="74.jpeg"}}{{/hket:inline-image}}
- {{hket:inline-image name="51.jpg"}}{{/hket:inline-image}}
- {{hket:inline-image name="55.jpg"}}{{/hket:inline-image}}
- {{hket:inline-image name="47.jpg"}}{{/hket:inline-image}}
- {{hket:inline-image name="44.jpg"}}{{/hket:inline-image}}
【感情深厚】菊梓喬與有型KOL細妹風格迥異 先後被父母遺棄Hana停學養妹 【下一頁】
JW自從今年8月簽約星夢旗下，即傳出取代Hana成為「星夢新一姐」，她加盟新公司短短日子已經有劇拍兼唱主題曲，甚得器重，加上不時性感打扮，成功搶fo！
對於被Hana粉絲追擊，JW接受《晴報》訪問時表示：「我都有留意到，我諗係Hana嘅忠實Fans嚟，可能佢哋有少少誤解，其實我同Hana冇嘢，大家好畀心機做嘢，專心工作。佢啱啱出咗隻碟，我就拍緊劇，我哋兩個好好喎！」畀網民鬧有冇唔開心？「冇唔開心，因為我而家都覺得自己好幸福，有呢個機會拍劇。自己會focus喺工作上，知道有人特登想講啲嘢嚟激我，唔需要放喺心上。」佢哋覺得你同Hana爭做一姐？JW斬釘截鐵說︰「冇乜嘢一姐，因為大家都係做緊自己嘢，成個平台咁大，其實真係可以容納到大家發展，所以，唔需要爭呢樣爭嗰樣，我哋大家都係做好自己，我都希望Hana新碟大賣，我又可以拍多啲劇，唱多啲歌，仲有同所有星夢歌手一齊百花齊放。」
（↓點擊圖片放大↓）
- {{hket:inline-image name="60.jpeg"}}{{/hket:inline-image}}
- {{hket:inline-image name="46.jpg"}}{{/hket:inline-image}}
- {{hket:inline-image name="53.jpg"}}{{/hket:inline-image}}
- {{hket:inline-image name="52.jpg"}}{{/hket:inline-image}}
- {{hket:inline-image name="54.jpg"}}{{/hket:inline-image}}
- {{hket:inline-image name="45.jpg"}}{{/hket:inline-image}}
- {{hket:inline-image name="42.jpg"}}{{/hket:inline-image}}
撰文︰衛紫敏
《東張西望》︳漠視限聚令中環百子里烏煙瘴氣 酒吧照開舖逾半百人越夜越精彩 【下一頁】