寒流襲港︳霍啟剛帶囝囝深水埗探望無家者 最貼地豪門訪社企買飯券贈基層

天文台發出寒冷天氣警告，昨晚氣溫開始急降，天文台更預測本港未來兩三日天氣會持續寒冷。霍啟剛尋晚非常有心，帶埋7歲囝囝霍中曦（Lawrence）去到深水埗嘅通州街向露宿者送暖。

{{hket:inline-image name="20200331.png"}}{{/hket:inline-image}}

霍啟剛低調行善，喺社交平台Post咗一大堆厚衫嘅相，並留言：「今晚真係好凍，希望大家可以多關心身邊嘅人，特別喺咁不平凡嘅一年，我哋更加需要互助互愛，先可以一齊跨過疫境。#分享溫暖 #一份心意 #一齊暖笠笠迎接新一年 #同步過冬」據知佢未有帶兩名幼女「出動」，淨係拖住細仔親手將衣物送到無家者手上，非常窩心。

霍啟剛乃霍英東家族之第三代長孫，為香港青年聯會前主席、全國政協委員、天津市政協委員、霍英東集團副總裁。霍啟剛於2016年里約奧運會任香港奧運代表團團長。網民都大讚佢哋雖然係名門，但就好貼地，非常值得學習咁話！

（↓點擊圖片放大↓）

其實霍啟剛都曾經喺佢網上個人頻道上載影片，片中同老婆郭晶晶探訪一間社企餐廳，了解餐廳在疫情下的情况。霍啟剛同老闆以及員工傾偈，又與郭晶晶即場學用手語向員工點餐、買飯券請基層人士食飯。兩人最後聯同義工一齊製作飯盒，再落區向長者派飯送暖。