前輩好人好事︳馮盈盈被後生仔封阿媽勁激動 星級女神出手幫陸浩明抹汗？

最新一集《#後生仔傾吓偈》分享娛樂圈中好人好事，當中徐文浩（Fred）率先稱讚馮盈盈令他感受到人間溫暖。話說兩人去荷蘭拍外景，當地天氣乾燥，搞到皮膚很乾，好需要滋潤！盈盈笑言：「佢又話Dry又話甩皮咁慘，我咪畀咗支Cream佢用。」Fred笑指不要看盈盈外表冷傲，其實似足「媽咪」很照顧後輩，盈盈被他叫「媽媽」好嬲又好笑地說：「佢真係成日叫我做媽咪，去打邊爐我夾塊羊肉畀佢之嘛。」

{{hket:inline-image name="120.jpg"}}{{/hket:inline-image}}

Fred指身旁的馮盈盈喺佢最需要滋潤嘅時候畀咗支Cream佢。（圖片：電視截圖）

{{hket:inline-image name="117.jpg"}}{{/hket:inline-image}}

馮盈盈聽完6號講嘅前輩好人好事，竟然有咁嘅反應。（圖片：電視截圖）

至於講到圈中前輩級的大好人，王虹茵（Sharlene）說一定要數林盛斌(阿Bob)，她指初初拍攝兒童節目《Think Big天地》，請來阿Bob做嘉賓拍一個短劇，Sharlene當時作為一個新人，要同時兼顧主持及演戲實在大感緊張，加上短劇入面要搣阿Bob面珠，於是她擔心到走埋去問阿Bob：「可唔可以搣你塊面?」阿Bob回答：「可以，你任搣啦，效果好就得。」而Fred附和指當時自己都在場，見到Sharlene正式拍攝時狂搣阿Bob面珠，Sharlene即刻表示：「其實我好驚，但因為阿Bob投入到比我做得更癲，先減輕我嘅壓力令我放膽去演，佢完全冇架子。」而盈盈亦讚阿Bob樂於助人，因曾經煩惱報稅問題，阿Bob聽到即介紹稅務朋友幫她。

（↓點擊圖片放大↓）

《#後生仔傾吓偈》︳馮盈盈爆前輩教路要戲假情真 讚嘆情感能跳出跳入神級境界 【下一頁】

至於陸浩明（6號）遇到前輩對他的好人好事，惹來眾人羡慕不已，他先講Liza姐汪明荃：「之前一齊拍綜藝節目《娛樂大家》，因為大家都住將軍澳區，有次收工Liza姐載我返屋企，之後，每次佢都問我要唔要載埋我。」另外，6號再分享他當年出去做採訪時，有一次是余文樂、范瑋琪(范范)、彭于晏來港宣傳劇集，最難忘是范范飲完水遞向他問他飲唔飲？6號說當時雖然好想飲，但都不敢，因為周圍太多對眼望實好尷尬。還有一次採訪時遇上一位女神前輩，因活動在戶外，他又容易滿頭汗，女神前輩見到他滿臉汗，即叫助手攞紙巾之餘，更為他抺汗，而這個女神前輩就是劉嘉玲了。

（↓點擊圖片放大↓）

Fred亦分享未入行前有幸和梁詠琪拍廣告經歷，「廣告係講冰天雪地入面，梁詠琪要攬我一下，我當時著住大厚褸同圍埋頸巾，但其實係喺夏天成40度嘅船廠入面拍攝，我熱到啲汗流唔停，但佢都冇避忌，照攬落嚟，所以好快就完成，呢啲就係專業囉。」

撰文：衛紫敏

叉燒達人︳陳凱琳做一日食神試食5店叉燒 貴至$232平到$60最後邊間封王? 【下一頁】