孖方紹聰玩飛索 畏高江嘉敏：喺崖邊喊咗個半鐘

江嘉敏、鄺潔楹（Judy）及趙慧珊昨日出席無綫J2新節目《野外步出》記者會，主持方紹聰（奶仔）在節目中邀請女藝員挑戰膽量，畏高的江嘉敏玩飛索，令她喊到花容失色。她笑指男友Anthony若趁玩極限遊戲時求婚，她會因太害怕而拒絕。

江嘉敏早前與方紹聰到東龍島拍攝《野外步出》，兩人大玩50米飛索，江嘉敏笑言過程嚇破膽：「奶仔本來話唔係好驚，點知佢嗌得好大聲，搞到我企喺崖邊喊咗個半鐘，當時我喊得好樣衰，啲醜態都被拍低晒，最後係導演推我出去。」她透露共挑戰兩次飛索，「第二次用咗五分鐘咋，有進步！」

江嘉敏自言至今仍未玩過跳樓機，又自爆說：「男朋友提議同我玩笨豬跳，佢話咁樣一齊『經歷生死』，感情會再進一步。」莫非男友趁機求婚？她即說：「唔係呀嘛，我接受唔到，唔好太離地，我唔想喺啲咁刺激嘅環境下做呢樣嘢。」另外，日前江嘉敏因忘記密碼，令銀行戶口被封，她搞笑說連日來身上只得500元現金：「不過呢幾日嗰500蚊原封不動，因為出街兩日都有朋友請食飯。」

鄺潔楹半空食燒賣

同場的鄺潔楹細細粒卻非常大膽，在龍脊玩滑翔傘時大呼興奮。她說：「監製話我係『有份量』嘅嘉賓，因為無其他女嘉賓夠膽玩。」她笑指玩滑翔傘時完全不怕：「我仲大膽過方紹聰，我仲帶埋『飛機餐』，即係燒賣上天食，因為要喺半空停留30分鐘。」她自言希望將來男友都會是大膽的人：「我覺得人一世物一世，咩都要試。」

採訪︰Pauline

攝影︰林良明

編輯：李潔盈

美術：梁政敏