林曉峰頂林珊珊林海峰光環入行 「從來冇人話我做得好！」

林曉峰（阿Lo）上ViuTV《晚吹 — 有酒今晚吹》做嘉賓，與三位主持強尼、練美娟和黃詩詩模着酒杯底分享多年來在娛樂圈的點滴。阿Lo頭上頂了一個家人的光環 — 家姐是林珊珊、哥哥是林海峰、舅父是狄龍，他們在娛樂圈的成就都有目共睹，因此在這背景之下，阿Lo在圈中發展理應事半功倍，當然亦會經常被人拿來比較。主持練美娟笑指阿Lo有這樣的背景下，相信沒有人敢說他做得不好，阿Lo聞言即說：「梗唔係啦，係從來冇人話我做得好，係調轉！當你有咁顯赫嘅背景，個牌坊咁厲害，就算你做幾多嘢，(人哋) 都會覺得你唔好，佢哋 (家人) 最好。我阿哥同家姐係十大DJ最Top，我舅父狄龍係東南亞影帝，佢屋企放滿一排獎項，所以，我係點做都死嘅。」

{{hket:inline-image name="04.jpg"}}{{/hket:inline-image}}

林曉峰來自演藝世家。(圖片：電視截圖)

{{hket:inline-image name="01.jpg"}}{{/hket:inline-image}}

林曉峰指從來冇人欣賞佢做嘅事。(圖片：電視截圖)

【離婚不留恨】林曉峰與康子妮做朋友更開心 稱Ready再拍拖 即約女伴食飯 【下一頁】

初出道的阿Lo，認為有這樣的背景是一件壞事，但當入了行一段日子之後，想法已有改變：「以我咁嘅樣貌同學歷，其實能夠捱到而家都值得感恩。最初我覺得係障礙，做咗十年八年之後就諗通咗，點解唔去感激有一個咁好嘅背景、咁好嘅屋企人呢，我可以行到條捷徑，點解我唔行，唔係我自己做壞事得到，係上天安排，我點解唔感激家人，只要我唔好做壞事，影響我屋企人就得嘞！」失婚後的阿Lo更懂得享受人生：「而家呢個年紀，更加覺得開心就得，能夠同所有合作夥伴遇上已經係開心事，開開心心去做所有事，暫時係我嘅任務。」

（↓點擊 圖片 放大↓）

阿Lo指當年自己酒量好差，直至到拍《獎門人》時曾志偉令他酒量急速提升，「有次志偉話：『呢到有齊7位電視台高層，你同佢哋逐一飲杯啦！』唔係普通杯，係好大隻嘅啤酒杯，飲到膀胱爆，最後喺酒樓休息成個鐘先冇事。」阿Lo亦大爆《古惑仔》兄弟之中，最好酒量的人是鄭伊健，「佢好飲得，係千杯不醉酒筲箕嚟，而且佢飲醉後會不動聲色咁坐定定，好似冇嘢咁，聽朋友講伊健最醉一次，佢係嘔滿咗三個酒桶。」

{{hket:inline-image name="15.jpg"}}{{/hket:inline-image}}

失婚後的林曉峰經常弄犬為樂。（圖片：林曉峰IＧ）

撰文：衛紫敏

退出13年︳黎姿應千億新抱徐子淇邀請出山 49歲做封面女郎身材Fit到漏 【下一頁】