希望鄭佩佩在身邊｜原子鏸大肚做瑜伽嚇親老公 準外公期待抱孫 有樣嘢爭住做

鄭佩佩女兒、1999年港姐亞軍原子鏸（Marsha）前年與摩洛哥籍丈夫Mehdi El Ajimi結婚，上年9月她於社交平台宣布佗B，預產期將於今年三月。身為瑜伽導師的Marsha雖然腹大便便，依然Keep住做瑜伽，身形依然纖瘦。早前她更與老公去影孕照，留下美麗一刻。

{{hket:inline-image name="75225519_1015070408841619_695478511012129456_n_600.jpg"}}{{/hket:inline-image}}

Marsha至今懷孕超過六個月，她表示已沒有早期的妊娠不適，現時感覺良好，惟每次飽肚時會有「頂住」感覺，她說：「個肚愈來愈大，食飽更加覺得好似頂住，抖唔到氣咁，要趴喺度抖，所以我嘅食量冇話特別多，同以前差不多，但晚餐唔會食太多。」

而Marsha亦有一直做瑜伽及散步，她說：「本身喜歡做運動，唔想自己會好腫，所以日日都有運動，其實我做完瑜伽之後，發覺BB喺肚裡都會郁好多，好似喺肚裡做瑜伽咁。」而她老公亦支持她做瑜伽，「但一開始佢都有啲驚，老師都叫我小心啲。」

 （↓點擊圖片放大↓）

由於疫情關係，Marsha亦有格外小心，去完街返屋企第一時間洗手同沖涼。提到身在美國的媽媽鄭佩佩，Marsha說媽媽沒有特別緊張她懷孕，「不過我哋每日都會電話聯絡，佢喺美國都好少出街，由二家姐照顧佢。我生完之後一定會帶小朋友去美國見佢。我當然想媽媽喺身邊，但冇辦法啦。」問到鄭佩佩有冇教她補身，Marsha就指媽咪話完全唔記得啲嘢。她又提到為BB改中文名一事會交給爹哋去諗，「如果唔畀爹哋諗，佢會唔開心。」

{{hket:inline-image name="80351309_585174828716919_5867085811677347602_n_600.jpg"}}{{/hket:inline-image}}

Marsha又表示希望BB似老公，「男仔嚟想佢Man啲，想佢好似我老公咁曲髮，但老公就話想佢似我會靚啲。」

1999年港姐亞軍｜原子鏸大肚做瑜伽肥肚唔肥身 劉璇佗巨肚做高難度動作勁牙煙 【下一頁】