壓力過大｜意外懷孕被男友分手趕出愛巢 27歲港女面臨3大難關急降11磅 「咬緊牙關都要生出嚟」

如果在不適合的時間發現意外懷孕，亦不獲另一半支持，定必會令準媽媽陷入困境。一名27歲港女近日發現意外懷孕，惟一星期後卻「被分手」，更遭同居男友趕出愛巢。由於剛轉新工加上面對另外兩大問題，事主不欲放棄小生命因而陷入極大苦惱，除了出現害喜情況，更在兩星期內暴瘦5公斤（約11磅）而急急入院安胎。雖然如此，但事主誓言：「去照超聲波見到佢手仔郁郁吓咁，真係好唔捨得，覺得咬緊牙關幾辛苦都要生出嚟！」

「所以話命運真係鍾意整蠱人。」該名港女周二（5日）在網上討論區「連登」發帖，指自己本來與男友同居，惟得悉在安全措施下仍意外懷孕後，男友在一周後提出分手，

「喊過求過全部冇用，佢話大家唔夾，畀個deadline（限期）我搬。之後有朋友睇唔過眼，同佢講我有咗BB叫佢唔好咁絕，佢驚驚地拉我去診所驗咗一次，之後就潛咗水，冇block（封鎖）我但完全唔回覆唔『上水』。」

而更甚者，除了意外懷孕外，事主更面臨另外3大難關：

（↓點擊圖片放大↓）

仍在事業拼搏期的事主表示，自己喜獲加薪轉新工，於上月中才開始上班；除了擔心有關無薪產假外，更擔心公司一但得知她懷孕後，會以各種方式強迫她離職，於是詢問廣大網民意見：

「你覺得應該過咗probation（試用期）先講，定而家講定？怕佢趁未過probation炒咗我。」

「諗咗好耐，決定要自己生個BB出嚟。但真係好多野煩，覺得好崩潰。」而面對剛分手、要尋找新住處等問題，事主在壓力過大下完全沒有胃口，於兩星期內暴瘦5公斤，「終於身體頂唔住，下面出血，好彩即刻入院穩住個胎。經此一役更加珍惜肚入面嘅生命。」

她表示猶幸身邊仍有朋友陪伴，「如果唔係應該精神崩潰咗」。她亦打算向母親尋求協助，「已經好耐冇見過佢哋，好緊張」。由於事主曾透露自己月薪不錯，原生家庭經濟亦佳，因而被網民以「反正有樓，劏出去收租再住屋企咪解決晒樓主啲問題」等來抨擊。對此，事主無奈地稱：

「咁個啲錢係屋企嘅，又唔係我嘅......除咗錢，精神上嘅陪伴同支持都好重要嘅......去照超聲波見到個個都有老公嗰吓，都會唔開心會depress（沮喪），自己一個會鑽牛角尖。」

勞工署產假小資料

根據勞工署資料，如僱員符合下列條件，便可享有14星期的有薪產假：

如僱員在所訂定的產假開始前，按連續性合約為僱主服務的時間少於40星期，則只要給予僱主懷孕通知及準備放取產假的通知，便可享有14星期無薪產假。

如懷孕僱員符合以下的條件，則僱主由僱員經醫生證明書證實懷孕之日起至產假結束而應復工之日為止，不得解僱該僱員：

如僱員在發出懷孕通知前已被僱主解僱，她可在緊接解僱通知後立即提交懷孕通知予僱主。在這情況下，僱主須撤回解僱該僱員的決定。僱主只可在僱員犯嚴重過失下解僱懷孕僱員，又或僱主可在不多於12星期的試用期內解僱僱員，惟僱主不得由於僱員懷孕而將其解僱。

每朝索取《晴報》：精明生活．健康家庭．開心娛樂

責任編輯：李凱晴