香港個唱再延期 周杰倫8月開騷

周杰倫（周董）原定前年12月於香港迪士尼舉行《周杰倫嘉年華世界巡迴演唱會》，但受疫情影響改至今年四月。昨日大會再宣布延期至8月20至22日、27至29日在中環海濱活動空間舉行六場。

主辦單位寶輝娛樂董事總經理謝嘉豪（Simon），昨日透過網上視像向傳媒講述延期事宜。提到周董個唱原定前年12月舉行，卻一再延期，Simon稱已蝕400多萬元，他說︰「周董同團隊喺一日內就畀到期，佢都想見歌迷，兩年嚟嘅承諾無變過。」

觀眾填健康申報表

他指八月個唱預計要多花約400萬元，包括保險費、購入防疫用品及在門票加上健康申報QR Code，他說︰「觀眾入場72小時前要填健康申報表，亦要探熱，過百工作人員都要做檢測，我哋會送有消毒搓手液、周杰倫紀念口罩嘅防疫包。（周董有減歌酬？）未行到呢一步，佢同經理人嘅口頭禪係唔會畀主辦單位蝕錢。」近日盛傳周董太太昆凌懷第三胎，有指他為陪產才將個唱延至八月，Simon笑稱︰「官方未證實喎，等我得閒傳短訊問下。」

撰文︰倪小珊

編輯︰Steven

美術︰梁政敏