增值自己狂練歌 劉佩玥︰周志文話我把聲太尖

近來不少藝人紛紛在網上分享生活，在疫情下增加曝光率，同時學習新事物增值。劉佩玥（Moon）積極做YouTuber外，又努力學習拍攝、剪片技巧，更抽時間練習化粧及唱歌，生活十分充實。

劉佩玥昨日到旺角出席化粧用品活動，她表示入行前化粧技巧相當麻麻︰「咁多年嚟不停練習，先叫化得好啲，我都有拍片分享下化粧心得。」大學時就讀電視電影系的Moon，對拍片、剪片相當有興趣，現在更親力親為，為自家YouTube頻道拍攝化粧及唱歌片。

Moon自言除了化粧外，亦十分喜歡唱歌，可惜受疫情影響，少了公開獻唱的機會，所以趁現在學好唱歌技巧，又向前輩胡楓（修哥）請教唱歌心得。她說︰「我同修修（胡楓）做節目，佢有同我討論唱歌技巧，畀咗好多心得我。佢話我唱得OK，但每日都要練習，日日練的話，就算唔熟都會變到熟。始終我唔係歌手出身，我好聽話日日用半個鐘練氣練歌，希望更加完美。」提到緋聞男友周志文是唱歌出身，Moon笑說︰「佢成日畀意見我，佢話我把聲太尖，得個『嗌』字唔係咁好，網民都話我有時講嘢太嘈，我依家都進步咗，只係世人對我誤解太深。」疫情下與周志文更多溝通機會？她笑說︰「我哋通常一大班人唱，限聚令唔可以多過兩個人，遲啲再約啦。」

恨攞飛躍女藝員

另外，Moon在周日舉行的《萬千星輝頒獎典禮》角逐最佳女配角及飛躍女藝員獎，她表示有信心得獎︰「每次我都好畀心機演每個角色，好似《降魔的2.0》播完一排，但大家仲記得同鍾意我嘅角色『啤啤』，已經好開心。（視誰為勁敵？）個個入圍嘅同事都強勁，不過我覺得最大嘅對手係自己。」

採訪︰Pauline

編輯︰李潔盈

美術︰梁政敏

攝影︰林良明