原子鏸懷孕6個月照玩瑜伽

原子鏸（Marsha）去年宣布為摩洛哥籍丈夫Mehdi El Ajimi「一索得男」，預產期在三月。目前陀B超過六個月的Marsha，跟老公影孕照，腹大便便的她更示範瑜伽動作。Marsha笑說：「個肚愈來愈大，食飽覺得好似頂住，唞唔到氣咁，要趴喺度休息，所以我嘅食量同以前差不多，反而晚餐就唔食太多。」她懷孕後堅持做瑜伽及散步：「其實我做完瑜伽之後，發覺BB都會郁好多，好似喺肚入面一齊做瑜伽咁。老公開頭見我做瑜伽都有啲驚，但都支持我。」

疫情肆虐，Marsha也格外小心，外出後必定立即洗手及沖涼。問到身在美國的媽媽鄭佩佩會否很緊張？Marsha說︰「媽咪無特別緊張，我哋每日都電話聯絡，佢喺美國好少出街，我生完之後一定會帶小朋友去美國見佢。」她透露產檢時因BB用手遮樣，只看到鼻子：「我想佢似老公，因為男仔想佢man啲，但老公就話似我會靚啲。」