姚樂怡爆上位女藝人見人就鬧 指對方曾得罪燈光師出鏡獲「特別照顧」

藝人姚樂怡熱衷於玩社交網，例如抖音，日前就拍了數段片透露在娛樂圈不能得罪幕後，當中包括化妝師、燈光師及PA（助理編導），更爆出有一位曾被TVB力捧的女藝人因得罪燈光師，搞到出鏡時「面如死灰」。  

姚樂怡在1990年代入行，首段片段提到剛入行時，疑似得罪髮型師及化妝師的經歷，指有次在化妝間髮型師幫她梳了扁平髮型。她有感髮型未必配合劇種，逐問髮型師頭髮可否蓬鬆些，對方反問「咁你想點整」時，拿著梳一邊梳弄、一邊問她「咁鬆得唔得？咁鬆得唔得？」姚樂怡指其實不用太鬆，對方竟即掉梳說「我唔識得點幫你整」！

{{hket:inline-image name="2.jpeg"}}{{/hket:inline-image}}

之後她提到，有化妝師為她化妝時，手不停震，結果將她的眉毛畫成「王小虎眉」，「不過當時就算有幾唔滿意，都唔可以喺化妝間改化妝師嘅嘢！」所以她偷偷走到洗手間處理，對著鏡子邊抹眉邊講：「唔掂啦呢條眉，仲要高低，一定唔可以！」怎料化妝師突然出現在她身旁！「點呀？你唔鍾意條眉？」成件事好有喜劇感！

自此之後，姚樂怡就記住電視台中梳頭、化妝師邊個最叻及最唔叻，「每次走入化妝間，先留意叻嗰個得唔得閒，得閒即刻坐低，個個（藝人）都係咁做！」話分兩頭，她亦指電視台工作時間長，「某些演員會亂發脾氣，入行耐咗就能了解髮型師、化妝師感受。」

{{hket:inline-image name="3.jpeg"}}{{/hket:inline-image}}

姚樂怡又爆曾有個女藝人恃住自己受力捧，見人就鬧，得罪很多人，「有一場戲佢要喺個盒度拎件首飾出嚟，咁燈光師就好仔細、好用心打燈 (光線控制)，因為要影住女主角隻手慢慢攞住件首飾……點知個女藝人同燈光師講『其實死物嚟㗎啫，唔需要打燈咁靚，唔會幫套劇提高收視㗎！不如慳番啲時間，幫我打 (打燈) 靚啲仲好啦！」

她指該女藝人講完後全場沉默，更指之後她有幾場戲與女主角同場，「發現我哋啲皮膚燈光師打燈打到好靚，唯獨佢就面如死灰咁！」

（↓點擊圖片放大↓）

姚樂怡提到另一類不能得罪的人是助導，她指最怕助導給她們「大分瓶」(保齡球用語)，她解釋即是代表即早上6點拍完第一場戲後，要等2小時或以上才會拍另一場，「如果你收到rundown係『大分屏』，隔開你啲時間呢，我哋就會講笑話你得罪咗PA喇！」