傳馮盈盈鄭衍峰吵大鑊驚動高層 堅拒認愛致分手:學習孤單生活

2016年港姐冠軍馮盈盈前年年底宣布同醫生男友「寶寶」分手，未幾就爆出暗撻《#後生仔傾吓偈》拍檔鄭衍峰，男方曾被影到任揸女方嘅私家車，又有盈盈屋企住戶證自由出入，不過佢哋一直都冇承認戀情。日前就傳出二人最終因為「認愛」分歧而導致分手！

{{hket:inline-image name="83175095_878088015975775_5513488420345874097_n.jpg"}}{{/hket:inline-image}}

有傳馮盈盈同鄭衍峰分手導火線係女方唔肯公開戀情，女方更先後同富家子何猷亨以及「殼王」傳出緋聞，男方不甘做「煙幕」而同盈盈喺電視城嘈交鬧分手，最終驚動高層，被樂易玲「照肺」，搞到最終分手連朋友都做唔成！

{{hket:inline-image name="125431148_130343645208059_4366037092735833723_n.jpg"}}{{/hket:inline-image}}

據知盈盈去年11月初搬到將軍澳全海景千呎大宅，搬離與鄭衍峰位於深水埗嘅愛巢。早前二人一同出席《衝上雲霄大選》宣傳活動，全程零交流。盈盈向鄭衍峰「落閘」劃清界線，同公關、助手事先表明唔同男方一齊做訪問，之後喺記者要求下先勉強「合體」同強顏歡笑合照，做完訪問極速彈開，男方仲黑面走人，同之前「耍花槍」表現完全唔同！

{{hket:inline-image name="bkn-20210106000122955-0106_00862_001_02p.jpg"}}{{/hket:inline-image}}

翻查二人社交平台，男方由以往對盈盈逢post必like，但過去2個月二人都冇乜嘢交流，更不時發布「失戀文」放負，如「我們曾經都是至尊寶，願你不用成為孫悟空也懂得珍惜紫霞仙子」，尤其呢句「可能我有點瘋狂，但我曾有勇氣在某些我曾真正想擁有的事物上失去自我」等，讀都難讀就知佢幾sad啦！

至於盈盈日前就喺《#後生仔傾吓偈》中講到自己要「學習孤單」，但一個人生活唔係咁簡單，「唔係剩係生活上技能，自己洗衫、摺被、掃地嗰啲，而係你要明白到，有時候一個人嘅時候你好想搵個人或伴嚟陪你傾偈、玩。不過你都要忍住，明白有啲嘢唔係吓吓都要依賴人哋，唔好覺得永遠會有個人喺你身邊陪你玩、陪你傾偈，同你喺埋一齊先叫做可以生活。」另一主持陸浩明都忍唔住話佢變咗，指佢平日咁鍾意講嘢竟然話要享受寂寞！

（↓點擊圖片放大↓）

一直都keep住有拖拍嘅盈盈似乎真係甩拖，續指：「好多感受，你下意識就會即刻想搵人講，我今日點點點……要約食飯去講，但要明白你人生唔一定要有個咁嘅人喺度，一個人都可以好好哋嘅。」