堅離地愛堅離地｜演員扮女僕宣傳葉蒨文最搶鏡 《愛回家》Candy期待同朱凌凌...

《堅離地愛堅離地》播出以來，討論話題之一在幾位「宅男」身上，昨日劇集舉行宣傳活動，龔嘉欣、劉佩玥、吳嘉儀和葉蒨文穿上不同顏色的女僕裝示人，前三人包到實一實，28歲的葉蒨文的女僕裝特別搶眼，最突出其好身材，劇中仲會帶領大家講魔法口號，冧得一眾「宅男」演員非常開心。反觀張振朗見到龔嘉欣、劉佩玥扮女僕，多次忍不住反白眼和作狀要嘔，認真搞笑。

《愛回家》Candy疑介入金城安Bonnie戀情 葉蒨文求饒：「劇本唔係我寫㗎」【下一頁】

{{hket:inline-image name="800_d027205f12ea2b05b24a6a187325b1e0.jpg"}}{{/hket:inline-image}}

{{hket:inline-image name="800_d85fdb5f760b1d5bfcd89efe0d477647.jpg"}}{{/hket:inline-image}}

（↓點擊放大圖片↓)

葉蒨文接受《晴報》訪問，謙言自己不是最突出的一人，指劉佩玥身材高䠷比較好看，她說：「其實我有Cosplay癮呀，不過就未必年年去動漫節嗰種，最近嗰次萬聖節我就扮『百變小櫻』，特別訂晒成套造型服、戴埋假髮，我啲朋友唔會陪我癲，就係咁先顯得出我嘅堅持，大家唔玩我都照樣打扮。」笑言當演員完全滿足到她Cosplay的欲望，可以演繹不同人物，不介意做醜角色，「自己入行嘅初心係想做諧星，拍劇好呀，打扮可以有咁怪得咁怪！」

《使徒行者3》播出後，葉蒨文跟袁偉豪的激情對手戲，獲內地觀眾熱烈討論，她直言有不少內地和馬來西亞的粉絲支持，就算不認識她的，都會追問這個女生是誰，「自己仲有好大進步空間，畢竟仲係好新，好感恩報道都好正面，一直以來都好多人錫我。」

《愛回家》金城安唔想「子珊」再出場有苦衷 朱凌凌二選一：子珊定李莫仇？【下一頁】

《愛回家之開心速遞》中，葉蒨文飾演的Candy跟朱凌凌（吳偉豪飾），感覺兩人的感情開始萌芽，問到劇情發展，她說：「大家唔係想金城安（周嘉洛飾）做佢真命天子㗎咩？好多人都想子珊（金城安女裝）再出嚟，哈哈！(同子珊、李莫仇鬥過？）真係未知，視乎編劇點樣寫落去，我都幾期待嘅，無論我同朱凌凌係咪CP，都希望可以有更多戲份，畀我發揮嘅機會。」

{{hket:inline-image name="90031304_2478561942247663_2415415051149310150_n.jpg"}}{{/hket:inline-image}}

{{hket:inline-image name="cheung7_600.jpg"}}{{/hket:inline-image}}

{{hket:inline-image name="candy112_600.jpg"}}{{/hket:inline-image}}

責任編輯：楊安莉