【聲明】港生活網站並無進行電話推廣活動

黎諾懿逼老婆試食過百底糕點

發佈時間: 2021/01/08

黎諾懿「疫境廚神」形象夠入屋,熱愛下廚的他不但推出自家品牌「店小懿」,更與餐廳寬巷子合作,推出新春慈善賀年糕點。諾懿笑言為研製出「家的味道」,他與太太李潔瑩已試食超過100底糕點,連工人姐姐也食到怕怕。

黎諾懿昨日在記者會上即場煎糕給現場人士品嘗,他表示今次先推出4,500盒瑤柱蘿蔔糕、年糕及芋頭糕,收益扣除成本後,將全數撥入受惠機構九龍樂善堂的「膳」待飯券計劃。他開心指預售銷情理想:「好多朋友一訂就過百盒,我之後都會親自去老人院等地方,派畀長者同有需要嘅人。今次我自己當然無酬勞啦,就算我唔捐糕都捐錢,去年疫情我都出錢買咗好多防疫用品派畀長者。」

諾懿自言為迎合大眾口味,不斷改良糕點配方,問太太可有幫手試味?他搞笑說:「老婆已經試食咗過百底糕,就快食到唔想食,工人姐姐都食到怕,同我講『哥哥唔好喇』。」

台慶頒獎禮於後日舉行,獲四項提名的諾懿輕鬆面對,又表示最希望劉丹封視帝。他說:「希望丹爺嘅銀色旅途添上一個視帝,至於我呢啲有實力嘅,今年唔得咪明年囉。」會否想老友馬國明「冧莊」,之後迎娶湯洛雯?諾懿抵死說︰「馬明有無獎都會娶靚湯,雖然靚湯有缺點,但都係好人,唔好再煩揀嚟揀去。」他指馬明靚湯想生小朋友:「佢哋唔細啦,有仔趁嫩生,你哋睇我追第二胎咁辛苦就知。」

採訪︰Pauline

編輯:李潔盈

美術:梁政敏

黎諾懿逼老婆試食過百底糕點

好友林柏希(左)為黎諾懿的糕點給予不少意見。