葛民輝恥笑小儀身形似小露寶

葛民輝日前應邀接受阮小儀主持的節目《小儀與13型男》訪問，被問到小儀是否他的約會對象類型？阿葛抵死說︰「體形係問題，出街嗰陣會諗，點解自己拖咗個小露寶出街！」

阮小儀與葛民輝在節目中「約會」時，重遊阿葛的成長舊地，期間阿葛自爆讀書時的暗戀對象︰「因為讀書太叻，好快就溫晒書，無嘢做咪『瘟女』，嗰時我做班長，有個女同學，老師話佢體弱多病，需要多加照顧，我就開始暗戀佢，但有一日佢送咗個汽水蓋俾我，上面寫住三藩市，同我講話要移民！嗰次情傷後，覺得自己唔應該喺世上談戀愛，係要等啲女仔嚟『戀』我。」

小儀跟阿葛手拖手約會，她笑言勁難得︰「識咗葛民輝咁耐，第一次同佢咁近，莫講話拖佢隻手，以前離遠叫佢都好興奮；拖佢手感覺好親切。其實我讀大學時都幾鍾意軟硬天師，不過佢哋當中，我會鍾意Jan（林海峰），因為公子啲、靚仔啲，但亦好鍾意阿葛嘅親切。」談到愛情觀，阿葛自言非常保守及傳統，他說︰「我嘅戀愛歷程唔順利㗎，往往一段關係都會有好多考驗，要識得遷就對方。」