陰陽相隔︳林子博亡妻首個生忌不忘送祝福 過去認屎認屁愧當稱職爸爸

林子博太太董燕君（Shirley）因患上罕見癌病離世已兩個多月，今日1月8日是Shirley的生忌，子博在Facebook貼相，向太太說：「老婆生日快樂。」不少網民及好友都有留言給Shirley送上祝福。太太離世後，子博身兼母職，照顧一對子女的生活起居，過程中他頓悟以往自以為是「稱職的爸爸」，其實全靠太太「成就」他。

{{hket:inline-image name="11.jpg"}}{{/hket:inline-image}}

太太董燕君去年10月離世，不經不覺已兩個多月。（圖片：林子博FB)

{{hket:inline-image name="12.jpg"}}{{/hket:inline-image}}

林子博在社交平台向太太Shirley送上生日祝賀。(圖片：林子博FB)

子博以「中一自行分配學位」為題發文，「一直以嚟我都以為自己係一位稱職嘅爸爸，甚至比我太太做得更多、更出色！因為好多關於子女嘅事，都係由我親力親為，如家長日見老師、為子女申請證件、搵學校等等......但而家先發現原來我呢個所謂嘅稱職，由始至終都係由我太太一手造就出嚟！因為冇人再提住我幾時證件到期、家長日係邊一日幾點鐘、重要文件擺喺邊……我根本一頭霧水！」

【Shirley捐眼角膜遺愛人間】林子博不捨太太離世淚流不停 15歲大女：「我哋會照顧好自己 【下一頁】

（↓點擊圖片放大↓）

子博兒子卓楠今年9月升上中學，子博如所有香港家長對子女升學甚為緊張，忙於張羅，「而家正值係『中一自行分配學位』交表時間，要喺兩個禮拜內幫卓楠交表去佢心儀嘅中學，除咗每日要提住自己快啲交表之外，當要搵阿仔過去呢幾年嘅成績表時，先發覺太太原來早就將子女由幼稚園開始嘅所有成績表、獎狀、證書keep起，一張一張咁整理得井井有條，方便我呢個所謂嘅稱職爸爸，拎起個file就行得！唔使『揦手唔成勢』！」子博感激太太在背後成就他：「老婆……多謝你一直為我塑造呢個好爸爸形象，默默喺背後容許我人前認屎認屁！其實你先係最稱職、最偉大嘅媽媽！」

（↓點擊圖片放大↓）

撰文：衛紫敏

無綫元祖級報幕員麥劍秋離巢結束30多年報幕生涯唔捨得 【下一頁】