家居小工具│淘懶人地拖自動噴水消毒 港媽大讚：唔使特登開桶水去拖地

拖地費時又費力，令不少主婦相當頭痛。有港媽最近網購了一個「懶人地拖」，可將清潔劑注入裝置，即一邊拖地一邊噴曬清潔劑，毋須中途換水，令拖地過程變得輕鬆簡單。

該名港媽日前在facebook群組「淘寶開心share」發帖，指從淘寶購入一部噴水地拖，使用時毋須開滿一桶水拖地，省水又省力，大讚實用：

「好鍾意呢個拖把，可以裝地板劑，尤其係阿仔食飯食到周地都係，掃完地都成地油漬嘅時候，唔使特登開桶水去拖地。拖完仲要好快乾，唔怕小朋友跣親。」

邊拖地邊噴清潔劑

港媽同時上載影片示範使用方法，地拖附有一塊拖布，事前只需將清潔劑注入手柄容器，再按壓把手，手柄前端便會噴灑清潔劑，隨即可如常拖地。她表示，該拖把免手洗，拖地後只需沖水，及以附有的刮刀刮走其表面污垢，然後掛起即可。

（↓點擊圖片放大↓）

有網民表示同樣購入類似地拖，指賣家提供「終生送拖布」服務，每兩個月可向賣家索取拖布，只需自付運費。

該類地拖在內地網店價格介乎49至89元人民幣（59至107港元），視乎配件多寡，簡介指適用於多種地板，包括磁磚、實木及竹地板；手柄配有一個透明容器，可盛載經稀釋的清潔劑，使用按壓把手即噴出清潔劑，噴灑後即可清潔地板。除了拖布，用家亦可自行替換並其他抹布。

使用方法（↓點擊圖片放大↓）

買吸塵機械人成自動打掃神器，港男：叫工人每日吸3次肯定黑面，詳情即睇：【下一頁】

每朝索取《晴報》：精明生活．健康家庭．開心娛樂

撰文：黎穎芯