越大越似媽咪關詠荷│張家輝澄清冇絕症每日跑山變瘦 疫情下多陪家人 最怕個女想入行

張家輝早前出席陳木勝的喪禮時，被傳媒形容激瘦有病態，他今日出席保險公司的微電影廣告活動，見他西裝骨骨，精神飽滿，打破生病的傳聞。因為疫情的關係停工一年，張家輝談笑風生，對於身材變瘦，他解釋：「我只係因為睇得電腦多，對眼好攰，加上真係瘦咗，又著晒鬆身衫感覺好似有絕症咁，放心，我好健康，弗到漏油。」

【悶悶哋】張家輝關詠荷「奉劇」談情 網民評選六大最想重播經典劇集【下一頁】

{{hket:inline-image name="800_8e9ed6d93deac00d4b6990b78d3bf9e4.jpg"}}{{/hket:inline-image}}

{{hket:inline-image name="800_78366752831a0c3b3823e570e3dcc7f3.jpg"}}{{/hket:inline-image}}

{{hket:inline-image name="6ecd7724-cf16-46bb-b912-943de250982c.JPG"}}{{/hket:inline-image}}

家輝今次為保險公司拍攝搞笑的微電影，首次拍微電影的他表示花了三天時間拍攝，其中一場海邊的戲更需要他游繩落山崖下拍攝，險象環生。他表示：「我唔係一個計劃得好好嘅人，不過今次疫情同社會氣氛之下，諗嘢都唔同晒，自己多咗時間陪家人，特別係媽媽，因為佢有少少病痛，仲捉埋老婆（關詠荷)同個女一齊行山做運動，我就有時寫劇本，或者同導演傾吓未來計劃。」他笑言疫情之下，兩公婆經常困在家中，很多人笑說會搞到「離婚」，家輝說：「我仲愛過以前呀！我會煩啲囉，個女成日都要網上上課，我又要睇佢寫功課同睇住佢唔好偷懶，（14歲仲要睇住？)梗係要，咁危險嘅年紀，不過佢應該未拍拖嘅。(你又知？）唉，都唔係好講呢啲啦！」

提到女兒，家輝全程甜在心頭，他形容愛女一定有反叛，但自己絕對會原諒，因為自己年輕時都有做過錯事，他說：「同佢相處得幾好，壓唔住佢，但可以做到朋友，佢就蝦媽咪多啲。疫情期間行山囉，有時照出去食飯，三個人咪分兩枱囉，我就梗係隔開坐嗰個啦！（愛女有冇計劃？）佢完全冇，問佢想讀咩、有咩想做，佢都話唔知。（想入行？）我就係最驚你呢句，我同太太都流住呢種血液，佢唔多唔少都可能有，佢唱歌唱得幾好，演戲就唔得，因為佢一演我就知，(遺傳自邊個？) 遺傳自我阿哥張學友！哈哈！」

（↓點擊圖片放大↓）

【美味天王】首屆視后關詠荷為張家輝犧牲事業退隱 住過億豪宅教女有方 半百素顏仲好靚【下一頁】

雖然家輝直言由女兒自由發展，無論決定如何，父母都會支持，但問到女兒的想法時，家輝說：「佢冇表示，我盡量避開呢個話題，暗『㩒』，唔可以太著跡，暗『㩒』個反抗唔會咁大嘛，慈母就多敗兒，（媽咪暗推？）佢又應該唔會，佢同我一致嘅！」

{{hket:inline-image name="800_56254716df330c1b04f72e76b784077a.jpg"}}{{/hket:inline-image}}

{{hket:inline-image name="800_f550738bdf6b662095405d5b64ac8cb7.jpg"}}{{/hket:inline-image}}

責任編輯：楊安莉