舊日的足跡│安德尊爆太窮自卑唔敢追關寶儀 助手默守20年：「儲定人情啦！」

「大王」安德尊接受香港電台《舊日的足跡》的訪問，被主持人車淑梅大逼供。今年59歲的安德尊被封圈中鑽石王老五，一直有傳單身的他在元朗擁有地皮，平日開工戴鑽石戒指開工，還經常請同事吃飯，接工作從來不會問薪酬，發財立品做不少善事。安德尊率先否認自己是中英混血兒，指自己是河南開封人，對於「鑽石王老五」之說，他解釋：「20年前我一時愚昧聽人講戴鑽石（會帶來）幸運，有光環吸力量，買咗一隻一卡四萬幾蚊嘅鑽石，在鏡頭前閃吓閃吓，後來被人笑，戴咗一年半載除咗唔敢戴！」

【雙尊爭車厘子】兆尊「二奶」與舊愛大王同場 安德尊現身靈堂送別祥嫂【下一頁】

{{hket:inline-image name="ach.jpg"}}{{/hket:inline-image}}

{{hket:inline-image name="800_791b4c5ee5c547633be9b122a8fc6aadsaasftp20200221.jpg"}}{{/hket:inline-image}}

安德尊過往甚少提及感情事，只有提及過當年追女仔追到去菲律賓讀書，初戀女友卻因腦膜炎離世令他大受打擊，19歲大學學位未完成就返港。曾有指他被鄧兆尊撬牆腳搶走前助手兼女友車厘子，不過當時人一直沒有承認。安德尊在節目中說：「我咁大個仔唯一心儀嘅就係當年喺香港電台遇上嘅關寶儀，不過而家人哋都已結咗婚，我當年因為窮出身唔敢高攀一個咁好嘅女仔，我哋仲係好好朋友......」據知，關寶儀是1990年加入香港電台第二台接受訓練，在電台工作的時間不長，在夏妙然的Facebook照片中所見，關寶儀和安德尊在大班朋友聚會時都會聚頭，不過大合照一個企東、一個企西。

多年來有指安德尊的女助手其實是女朋友，跟了她20年尚未迎娶，問到助手是否等他開口？安德尊說：「我希望佢係啦！總之你儲定人情，不過講真，我唔想結婚，因為適婚年齡已經過咗。」

（↓點擊圖片放大↓）

【元朗地王】安德尊發財立品樂捐酬勞做善事 初戀女友離世打擊至今未娶【下一頁】

安德尊拜曹達華為師兼契爺，他遵照師傅的教誨，要勤力之餘唔好賭錢，而且儀容執到正，所以他家中有200套西裝。因曹達華的關係，安德尊跟余慕蓮亦成為好朋友，他說：「我哋時時見面，我仲喺佢哋（曹達華、余慕蓮）面前表演八式『如來神掌』，佢（余慕蓮）視我親如子侄，佢嗰晚入 ICU 前打畀我，話出得嚟就再見，出唔返就下世見，我心都實埋，講唔到嘢。」

至於他跟名廚李錦聯經常鬥嘴，非常「毒舌」，他說：「唔啱就係唔啱，頂嘴就係頂嘴，唔係故意！佢煮送好叻，對食材（認知）好叻，不過有時俾我捉到佢甩漏，係佢唔好彩，因為佢唔夠仔細，抽秤抽秤吓就慣咗⋯⋯我哋都好好傾，佢飲咗酒我就唔同佢傾，佢唔飲酒我就傾，我有講過叫佢唔好飲 咁多，但係我知道呢啲係佢嘅人生樂趣。」

（↓點擊圖片放大↓）

責任編輯：楊安莉