《愛回家》George│張明偉兄父法律出身沒阻追演藝夢 「我幸福所以冇藉口做得唔好」

張明偉在《堅離地愛堅離地》中飾演一位「裙腳仔」宅男AK仔，由媽媽為他決定一切。現實生活中，張明偉出身於富裕的家庭，不能夠控制大家貼在他身上的標籤，但他卻選擇由低做起，由跑龍套默默努力讓觀眾看見自己。父母沒有給他壓力，反而令他自覺在幸福之中沒有藉口做得不好，盼望有日家人能以他為榮。

《愛回家》George率島大同學拍聖誕MV暖入心 「大家估唔估到最後把聲係邊個？」【下一頁】

{{hket:inline-image name="untitled-8.jpg"}}{{/hket:inline-image}}

{{hket:inline-image name="untitled-43.jpg"}}{{/hket:inline-image}}

{{hket:inline-image name="CHARM8_600.jpg"}}{{/hket:inline-image}}

張明偉今次飾演的AK仔跟《愛回家之開心速遞》中飾演自信爆棚的George完全兩回事，成功給予觀眾完全不一樣的感覺。《堅》劇是三年前拍攝，當時的張明偉仍未是George，他說：「好感恩一路有拍正劇的機會，大家最深印象相信是《實習天使》入面一個韓星，染晒髮加上眼裝，隨後我都演好多爆炸性嘅角色，後來都花咗段時間洗底。」後來遇上George的角色，被指以「林作」的背景和造型作參考，很快成功「入屋」，他說：「其實好感恩有呢個角色，頭髮個造型加上演繹，編劇幫我好多，George由發錢寒完美主義者，到同熊心如（蘇韻姿飾）搞補習社，後來跟池子孝（阮政峰飾）做兄弟，慢慢終於識得關心人，我都睇住George嘅成長同改變。」

每次有正劇推出，觀眾都總是想起George，張明偉笑言：「唔係問題，都係由張明偉去飾演，其實而家出去大家認得我，叫真名或George都係一個肯定，人哋係睇到你努力工作嘅一個後果。我都好感恩、欣然接受。」

（↓點擊圖片放大↓）

張明偉直認自己天生高大白淨，在演戲方面或許成為局限，曾經試過曬黑剪短頭髮，但仍然一臉孩子氣。「我覺得自己成長總係比同齡的朋友慢，我16、7歲仍然係矮同學一個頭，排隊排最前，直至畢業後去到外國先飆高，當時我真係晚晚祈禱，好大壓力，因為哥哥同爸爸都係1米8以上，好彩後來真係長得高。」

成功爭取到跟爸爸和哥哥成為高人一族，張明偉卻偏偏跟他們選擇不一樣的路。張明偉表示爸爸和哥哥都是法律界人士，媽媽是英文老師，家庭富裕，明偉初入行時都一度被標籤為「玩玩吓」的富二代，他說：「我知自己係幸福，呢個對我嚟講係一個標籤，英雄莫問出處，無論富二代定屋邨仔都會有各自的辛酸同難處，無論呢個標籤係正面定負面，我都要承受同接受。所以，工作冇得抵賴，我亦冇藉口做得唔好。」

（↓點擊圖片放大↓）

張明偉感激家人讓他有喘息的空間去追求自己的夢想，對他而言家人最大的支持不是金錢，而是放手，他說：「佢哋覺得我無論決定係點，都精神上支持我，錢方面我冇問屋企攞過。初入行我個樣太細個，訓練班出嚟好多都係行行企企嘅角色，咁多年嚟我做過好多工作幫補家計，我做過Uber司機、餐飲業、飲食車等都試過，當時都有問自己，到底我係咪浪費緊青春呢？有時都好嬲自己，點解要咁鍾意？鍾意到一個位係放棄唔到。」

George令張明偉知名度增加，演出機會亦越來越多，對家人而言是否一個最佳成績表？張明偉笑言：「我唔知道George呢個角色對屋企人認受性又幾高，我唔敢問。媽咪係英文教師只睇英文節目，可能未識欣賞。不過佢有聽過朋友讚自己個仔演得幾生鬼，或者收到好多正面評語，反而係佢啲朋友導佢去睇，我相信佢會靜靜雞支持我，暗地裡為我驕傲啩。」

{{hket:inline-image name="untitled-4.jpg"}}{{/hket:inline-image}}

{{hket:inline-image name="untitled-28.jpg"}}{{/hket:inline-image}}

{{hket:inline-image name="untitled-41.jpg"}}{{/hket:inline-image}}

責任編輯：楊安莉