萬千星輝頒獎典禮2020│王浩信再奪視帝高調多謝老婆陳自瑤 蔡思貝首次獲頒「最佳女主角」

《萬千星輝頒獎典禮2020》今晚舉行，視帝、視后終於出爐，王浩信和蔡思貝以大熱姿態贏出，王浩信憑《踩過界II》盲俠文申俠的角色第二次獲得「最佳男主角」的獎項，在內地忙於拍劇的他趕及返港出席頒獎禮。王浩信在胡定欣和馬德鐘的手上得到獎座，不過他的致謝名單中方向就側重在《反黑路人甲》的角色上面，王浩信說：「多謝大家，多謝TVB栽培我16年，多謝今年遇到我好夢魅以求嘅角色，就係喜劇《反黑路人甲》，其實我好鍾意搞Gag。2020年好想講一番說話，2020年係好唔容易嘅一年，年初抱住戰戰競競嘅心情去拍外景，好驚亦有唔同擔心，多謝每位員工緊守崗位，大家都係想拍好戲畀大家睇。」

{{hket:inline-image name="5f59f37d-c278-49d7-bb8d-1459e66ae7a9.jpg"}}{{/hket:inline-image}}

過往王浩信和太太陳自瑤多次傳出婚變的傳聞，兩人都甚少提及對方，今晚在紅地氈上都分開行，不過王浩信領獎時罕有地高調多謝太太，他說：「多謝我屋企人，多謝YoYo，多謝你非常悉心咁照顧阿女，我多謝爹哋媽咪，媽咪，我喺你面對真係唔夠膽講，我先想講生日快樂，多謝你永遠做我強大後盾。呢個獎係畀你，最後多謝我個女。」如此感動的畫面，可惜鏡頭影向陳自瑤時，她完全目無表情，十分奇怪。對於老公獲獎，陳自瑤接受訪問時表示：「其實行紅地氈時已經被問，我就答年年佢都大熱呀啦，（冇反應？）愕然囉，我都冇諗過佢會講，所以當時分咗心，開心嘅，之前佢得獎都有多謝我，咁我悉心照顧個女就梗呀啦。(全家合照慶祝？)佢哋得獎者訪問緊，應該有排搞，我唔等喇，可能頭先太凍，我都懵懵地，所以我要返屋企先。（形容你係家人唔係講太太？）頭先咪答完囉，我真係要走喇！」

至於「最佳女主角」由蔡思貝憑《踩過界II》的「癲姐」首次奪獎，入行7年的她大為感觸，她說：「好多人話打份工啫，唔使咁搏，但我哋呢份工係打得好有熱誠同好有火。」

{{hket:inline-image name="d127F.jpg"}}{{/hket:inline-image}}

{{hket:inline-image name="69a8bB.jpg"}}{{/hket:inline-image}}

{{hket:inline-image name="6aA.jpg"}}{{/hket:inline-image}}

{{hket:inline-image name="1bf9F.jpg"}}{{/hket:inline-image}}

責任編輯：楊安莉