【聲明】港生活網站並無進行電話推廣活動

蔡思貝首度封后 王浩信「盲俠」成雙料視帝

發佈時間: 2021/01/11

無綫《萬千星輝頒獎典禮2020》昨晚圓滿結束,《踩過界II》王浩信以「盲俠」一角第二度封帝,兼贏得大馬視帝連中兩元;蔡思貝亦憑《踩過界II》「癲姐」首度稱后。

王浩信昨晚擊敗《殺手》黎耀祥及《使徒行者3》林峯等人封帝,特地趕回港領獎的他在台上激罕感謝太太陳自瑤︰「多謝YoYo(陳自瑤),多謝你非常悉心照顧個女!」但台下的陳自瑤竟然黑面,事後她解釋只是分心。視后方面,蔡思貝力壓《使徒3》黃智雯得獎,思貝說︰「三年前第一次獲『我最喜愛電視女角色』,我喺台上講過連自己都唔鍾意自己,三年來自己成長同經歷咗唔少!」而《反黑路人甲》榮獲最佳劇集等多個獎項,加上大馬「最佳劇集」,合共七個大獎成為大贏家。

白彪致辭唔肯落台

賽前大熱龔嘉欣雖然失落台慶視后,但憑《香港愛情故事》得「最受歡迎電視女角色」,以及憑《殺手》贏得大馬視后。張振朗由去年「飛躍進步男藝員」成功升呢,憑《反黑路人甲》高彬一角獲「最受歡迎電視男角色」,他眼濕濕稱︰「希望明年感染多啲身邊人鍾意演戲!」

至於《反黑路人甲》賴慰玲奪「最佳女配角」,她感謝恩師羅冠蘭︰「你成日覺得恨鐵不成鋼,不過都介紹我去面試《女人俱樂部》!」白彪憑《香港愛情故事》市井老竇「大聲公」拿下最佳男配角,他致謝辭講足幾分鐘,更自嘲︰「今次唔係白彪,係奪標!」最後要司儀鄭裕玲出手邀請他落台。昨晚頒獎禮安排致敬環節,由胡定欣唱《明星》悼念離世的李香琴、譚炳文及曾偉權等多位演藝人。此外,汪明荃昨晚在台上為同事們爭取加薪︰「如果環境好啲,疫情退咗之後,TVB可唔可以加少少人工畀我哋,鼓勵一下大家!」台上藝員齊齊拍手叫好。

採訪︰Pauline

撰文︰Steven、Pat

攝影(部分)︰林良明

編輯︰李潔盈

美術︰鄧建威、梁政敏

蔡思貝首度封后 王浩信「盲俠」成雙料視帝

蔡思貝17年憑「癲姐」贏「最受歡迎電視女角色」,昨晚再贏視后。

蔡思貝首度封后 王浩信「盲俠」成雙料視帝

張振朗激動落淚,感激《反黑路人甲》拍檔對演戲的熱誠。

蔡思貝首度封后 王浩信「盲俠」成雙料視帝

連奪兩獎的龔嘉欣,感激《殺手》的打女角色令她突破演技。

蔡思貝首度封后 王浩信「盲俠」成雙料視帝

白彪(右)及賴慰玲分別獲最佳男、女配角。

蔡思貝首度封后 王浩信「盲俠」成雙料視帝

《愛.回家之開心速遞》奪得「萬千光輝演藝大獎」,是首次有劇集獲得此獎。