居住問題｜離婚爸覓第二春女友帶兒遷入 女兒憂被趕走：我讀緊書邊有錢

父母離婚後若再結識另一半，應要小心處理新歡與子女之間的關係，留意子女的感受。一名港女日前在網上訴苦，指父母離婚後，50歲的爸爸結識了一名30多歲的女友，對方更帶同12歲兒子入主事主家中，並當正自己是女主人。對此，事主擔心對方會「出招」逼使爸爸趕她走，因而感到十分苦惱，「我仲讀緊書邊有錢搬出去。」

該名港女在網上討論區「連登」發帖，指自從父母離婚、媽媽搬走後，爸爸便向她指自己的新歡會一星期來住幾日，但新歡「住住吓好似大條道理咁」，帶同12歲兒子直接搬入事主家中，目前已遷入幾個月。事主曾與爸爸過量，希望對方著新歡每星期回自己家2至3日，因為「吊頸都要透下氣，日日見真係好多怨氣」；惟爸爸卻指希望有人幫手執屋，

「話人哋住幾日點會肯幫手執屋，又話放工返嚟都想有人陪，話我頂唔順一係佢搬走一係我搬走，但我仲讀緊書邊有錢搬出去。」

對此，事主直言「正所謂相處好同住難，我已經開始頂唔順」，爸爸的新歡「而家當正自己係我屋企個女主人咁」，因而列出3大事例表示已難以忍受與對方及其兒子同住：

（↓點擊圖片放大↓）

事主又指爸爸的新歡心計重，對方起初搬入時「扮到好好」，「係住得越耐先發覺開始唔對路」，更曾在其父面前指摘事主不做家務。而且，不用上班的新歡除了每天「黐實」事主爸爸，令兩父女難以私下見面談天外，甚至代其父覆WhatsApp訊息，「搞到佢（爸爸）啲朋友都唔敢再搵佢」，所以事主亦難以透過訊息向爸爸訴心聲。

由於擔心被趕走及覺得「搬走咗就畀個女人贏」，最終落得無家可歸的下場，事主現時只好苦苦忍耐，以保父女之情，

「大家有無啲意見可以點叫個女人返自己屋企住，再繼續咁落去我真係忍唔住會爆佢一鑊。」

此事引來網民熱議，不少人對於事主的遭遇大感同情，甚至有人表示感同身受，指自己已忍耐了同類情況足足十年：

（↓點擊圖片放大↓）

對此，事主回應表示爸爸確實是愛錫她，只不過對方與媽媽感情不佳，「呢十幾年都無女人陪，一有個女人陪佢咪迷失咗」。而向爸爸表達感受後，對方只著她要學習與人相處，「要嘗試吓接受人哋，話遲啲如果我嫁咗去第時老公嗰度，都唔擔保要同人媽媽相處」；而且，爸爸更指她是成年人，不要與「細路仔」計較，稱「而家係個好好嘅時候學吓點同人相處」。

她又指如果爸爸的新歡是真心真意，並非存心欺騙，而兩人亦希望白頭到老的話，「咪恭喜佢囉」，並坦言：

「根本佢同邊個一齊我都唔會理，因為都唔關我事，又唔係我同個女人過人世，最緊要唔好搞到我之嘛。」

意外懷孕被男友分手趕出愛巢，27歲港女面臨3大難關急降11磅：「咬緊牙關都要生出嚟」，詳情即睇：【下一頁】

每朝索取《晴報》：精明生活．健康家庭．開心娛樂

責任編輯：李凱晴