萬千星輝頒獎典禮2020︳《東張》主持黎寬怡失禮表現再被插 0.1秒撇白彪影合照:唔識尊重?

《萬千星輝頒獎典禮2020》昨晚圓滿結束，除咗台前一地花生殼之外，TVB為咗令觀眾唔好miss咗任何一個精彩畫面，仲搵咗一班主持做後台直播，《東張西望》「話題」主持黎寬怡安排訪問得獎者，不過當佢訪問到「最佳男配角」白彪嘅時候再次出事，今次直頭畀網民插佢表現失禮！

{{hket:inline-image name="maxresd.jpg"}}{{/hket:inline-image}}

相關新聞:《東張西望》女主持再次爆喊 嚇呆黃宗澤吳卓羲【下一頁】

《東張西望》呢晚拎咗「最佳非戲劇節目」獎，主持之一嘅黎寬怡睇嚟都好興奮，睇番佢嘅社交平台都有唔少同其他主持人嘅合照！之不過其實靚相背後佢好「失禮」！

事情是咁的，後台直播中見到黎寬怡原本同白彪做梗訪問，訪問結束之後有位工作人員同佢講咗句「可以影相喇」，黎寬怡就用0.1秒將咪牌塞畀另一工作人員，大叫一聲之後跑走！不知就裡嘅白彪擰轉面跟佢一齊走，跑咗幾步之後好似唔多對路……呢個時間揸cam哥哥叫住「彪哥彪哥彪哥……」，佢先停落嚟回頭，一臉茫然，然後再由工作人員帶去反方向離開，呢個時候黎寬怡已經唔見咗蹤影喇！

（↓點擊圖片放大↓）

唔少網民見到黎寬怡咁失禮都好不齒，鬧爆佢冇禮貌兼唔識得尊重，「前輩都未走開，佢就自己跑走」、「前世未影過相咩」、「真係好唔識大體，出唔到大場面」，其實黎寬怡一直以嚟「出位」表演都已經好矚目，之前曾經幾次喺訪問期間爆喊，唔少觀眾都已經覺得反感，睇嚟佢想長做長有真係要諗計搞番好個觀眾緣喇！

相關新聞：香港愛情故事│葉童事隔10年客串演出劇集 主持提問講錯嘢仍然大方應對【下一頁】

撰文︰黃蘊姿