【聲明】港生活網站並無進行電話推廣活動

網民質疑演技未夠班 視后蔡思貝:好多監製睇到我進步

發佈時間: 2021/01/12

13年港姐亞軍蔡思貝憑《踩過界II》「癲姐」一角,前晚在台慶頒獎禮擊敗黃智雯、龔嘉欣等勁敵首奪視后,但賽果惹來很多網民質疑。賽後思貝受訪,自信稱「無諗過要幾多年先攞視后」,又指獲不少監製祝賀:「好多監製話我同以前完全係兩個人,睇到我進步咗好多,好開心!」

入行七年的蔡思貝,17年憑「癲姐」拿下「最受歡迎電視女角色」後,前晚再憑同一角色,勇奪「最佳女主角」,鬥贏賽前大熱的黃智雯、龔嘉欣及高海寧等,短短七年由港姐升呢做視后,令人始料不及。完騷後,問思貝會否覺得獎項來得太快,她說:「我從來都無諗過要幾多年先攞視后,呢個不嬲係目標之一。攞完獎有好多用過我嘅監製走嚟恭喜我,佢哋話我同以前完全係兩個人,睇到我成長咗好多,好開心。因為咁多年以來我都好努力,希望自己做得更好,無論做人、處事、工作各方面,我都想力求進步。」

相約胡鴻鈞慶祝

思貝坦言選港姐後甫入行,已知演藝路不易行︰「我唔想信口開河,想用行動證明畀大家睇我努力進步,我好開心、榮幸得獎,好多台前幕後工作人員同朋友,都感受到我嘅經歷!」問到慶祝計劃,她指在限聚令下,只能在家慶祝:「台上無乜時間,攞獎之後都同爹哋媽咪淡淡講咗句『多謝』,佢哋咁多年來好支持我呢個女。」

至於緋聞男友胡鴻鈞,思貝笑說:「我攞獎後無撞到佢,不過佢之前都同我講句加油,佢係朋友嚟嘛,都會一齊慶祝!」對於思貝升呢做視后,網民議論紛紛,有花生友狠批思貝演技未及《殺手》龔嘉欣;但有觀眾指她用三年時間駕馭「癲姐」,今年封后實至名歸。

採訪︰Pauline

撰文︰Steven

攝影(部分)︰林良明

美術︰梁政敏

編輯:李潔盈

網民質疑演技未夠班 視后蔡思貝:好多監製睇到我進步

大約十位粉絲前晚在嚴寒下,於電視城外守候蔡思貝,送上蛋糕及香檳慶祝。

網民質疑演技未夠班 視后蔡思貝:好多監製睇到我進步

蔡思貝將哨牙「癲姐」一角,視為演藝生涯上的重要角色 。(資料圖片)

網民質疑演技未夠班 視后蔡思貝:好多監製睇到我進步

蔡思貝獲悉得獎時開心得擘大口,好友何雁詩送上愛的抱抱。(資料圖片)