DJ森美揸古董電單車扮Chok佬 被網民踢爆穿虧佬發熱背心

森美近年迷上美式電單車（Chopper），放假會約埋一班電單車迷出去遊車河。不過，近日天氣變得嚴寒，郊區氣溫低至單位數，但亦無損森美揸電單車的雅興，穿軍綠色外套加牛仔褲造型四出兜風，更在海邊吹住猛風「打卡」，究竟是型到震還是凍到震？

{{hket:inline-image name="32.jpg"}}{{/hket:inline-image}}

在疫情下多了一個喜好，愛上玩Chopper！（圖片：森美IG）

{{hket:inline-image name="33.jpg"}}{{/hket:inline-image}}

著迷於上世紀50年代，模仿貓王的造型和神態。（圖片：森美IG）

大生意︳47歲森美開舖轉戰地產界? 名下有餐廳洗衣店網民叫打折頭 【下一頁】

森美在IG上載他的遊車河相片，竟連瞓覺Look都不介意同大家分享？相中見他坐在露天茶座，低頭熟睡，一臉疲累，加埋頸巾及厚厚外套，忽然由型男變了飽飽歷風霜的街頭大叔，森美自嘲是型到震背後付出的代價，「過度用力Chok，結果攰到食飯都瞓著覺！」原來是因為影相擺Post又累又食風所致！

網民的留言亦好精警，「公園啲阿伯又係暖暖哋就會唔小心瞓著咗！」有人說認不出森美，指他的睡相像張學友、王敏德，亦有網民說其鬍鬚造型，似足當年內地熱爆的流浪漢「犀利哥」。

網民可以話係錯晒重點，唔睇靚車，有眼利網民發現睡覺中的森美穿了一件發熱背心驅寒，留言問「大哥畀件發熱背心電暈咗？」森美看到即時醒晒，後直指最喜歡這位仁兄的留言！

（↓點擊圖片放大 森美睡相究竟似邊個?↓）

森美接受《晴報》訪問，直認穿了發熱背心：「係呀，發熱背心嚟，揸電單車好凍嘛，朋友送畀我嘅，同埋我夜晚出去釣魚都會著，因為吹住海風好凍！不過我又覺得唔太暖，效果同暖包差唔多，但有勝於無啦！冇法呢啲係虧佬嘅特徵！」森美更自爆這張瞓覺相是太太和一對仔女要他分享的，「我話放兩張型相咪得囉，佢哋三把口即刻話唔得，要畀真面目人哋睇，阿女仲話呢張相一定吸Like，結果真係畀阿女講中，多咗好多Like！所以我可以講，我唔係行偶像派，我係性格偶像派！」對於被指似王敏德，「係呀，我瞇埋眼個樣係有啲外國人Feel，變咗混血兒，哈哈！」

撰文：衛紫敏

黃祥興3200萬賣愉景灣豪宅套現? 一家五口住千呎紅磡安樂窩 【下一頁】