前空姐YouTuber阿Sa繼去年大爆誰是航空界最受歡迎藝人，掀起全城熱話後，她前日再po片抽水，狠批剛在台慶頒獎禮揚威的張振朗，指他自封大哥兼「見高拜見低踩」。昨晚振朗回覆《晴報》時拒絕多言，以免成網民茶餘飯後的話題。
33歲的張振朗近年備受無綫力捧，去年有《反黑路人甲》、《堅離地愛堅離地》等五齣劇連環播，曝光率冠絕全台小生，日前更憑《踩過界II》「高彬」一角獲「最受歡迎電視男角色」，搣甩「地獄黑仔王」之名。人紅自然是非多，前空姐阿Sa在其YouTube頻道「Smart Travel」出片，透露數年前經朋友口中，得知張振朗舊事，所以聽到對方在台上的得獎感言，不禁激親：「佢（張振朗）台上話『一定要識尊重人，別人先會尊重你』，唔好玩啦！」
爆龔嘉欣差點嫁入豪門
前空姐阿Sa透露友人曾在TVB做「臨記」，她問友人誰是片場最乞人憎的演員，友人即大爆是張生︰「佢扮大哥，見高拜見低踩！」阿Sa又引述友人讚黎耀祥人品好，當年祥仔贏視帝時，連鄰廠的清潔工也特地過廠祝賀祥仔，呼籲張振朗應學習這位三屆視帝。不過，正忙拍新劇的振朗堅拒捲入是非之中，昨晚回覆稱︰「唔係事實唔回應啦！」
提到拿下「最受歡迎電視女角色」兼馬來西亞視后的龔嘉欣，阿Sa立即視評人上身，大讚對方在去年話題劇《殺手》演繹的「Dark Angel」令人眼前一亮，更認為龔嘉欣有力成為鄧萃雯接班人。阿Sa又爆料指龔嘉欣為事業放棄愛情，透露一名大馬空姐朋友認識當地豪門阿姨，得悉龔嘉欣原來有位大馬富二代男友，對方亦非常愛錫她，更打本給她開火鍋店。阿Sa稱︰「聽大馬朋友講當時有啲人已經收到佢哋結婚嘅消息，但龔嘉欣對自己嘅演員職業好執着，放棄少奶奶呢份荀工專心事業，攞兩個大獎都算實至名歸！得獎感言亦見真情流露！」
不少網民指阿Sa的爆料有睇頭；有人則覺得她在二人得獎後才拍片抽水，擺明消費藝人呃點擊。此外，日前《萬千星輝頒獎典禮2020》充滿話題及驚喜，無綫前晚公布直播收視達30點，統計曾收看節目的觀眾人數逾280萬，網上直播及短視頻瀏覽人次接近480萬。
撰文︰Steven
編輯︰李潔盈
美術︰梁政敏