姜麗文自小跟爸爸秦沛情信聯繫 難忘當日本藝人連如廁都有禁忌

姜麗文（Lesley）近日接受兒童節目《Think Big天地》的訪問，大談她的成長經歷，與及跟爸爸秦沛之間的父女情。Lesley笑言自己個性比較男仔頭，因為爸爸從來沒有阻礙她的發展，小時候愛玩甚麼就甚麼，她說：「我同爸爸性格非常相似，爸爸好勤力工作，畀我哋好好嘅生活環境。我想學乜嘢，佢就會畀我學，無論係跳舞、跳水、烹飪或玻璃手工。我越做男仔頭嘅嘢，爸爸就越好開心，因為似佢，我可以同佢一齊騎馬，我喺花園打筋斗，佢又跟住做！」

《踩過界II》︳姜麗文首度與父親秦沛同框爆淚 鬼妹仔拍劇一句台詞迫至崩潰【下一頁】

{{hket:inline-image name="LESLEY2.jpg"}}{{/hket:inline-image}}

{{hket:inline-image name="LESLEY3.jpg"}}{{/hket:inline-image}}

Lesley同哥哥姜文杰自小在加拿大生活，爸爸則留在香港拍戲，兩父女長期分隔兩地，不過Lesley從來不會覺得有所缺乏，「以前有傳真機，佢成日都會畫公仔畀我或者送禮物畀我哋，所以我成日都感受到佢嘅愛，唔覺得寂寞同孤獨。」她表示兩父女經常以「情信」來往，如果爸爸去外地拍戲，Lesley送機時都會遞上心意卡，讓爸爸在飛機上看，小時候學習縫衣服給爸爸，長大後又會為對方親自下廚，「令我哋覺得佢一直喺我哋身邊，佢真係個絕世好爸！」

（↓點擊圖片放大↓）

《愛回家》扮菲傭口音似到足 姜麗文識五種語言為韓團作歌【下一頁】

姜麗文提到自己16歲開始寫歌，由於契媽翁倩玉在日本發展，在其引薦下，她19歲飛到日本訓練做藝人，成為首個華人加入NHK主持兒童節目。「我媽咪係日本人，所以我本身都識少少日文，去到當地之後好想快啲出道，好努力識日本人，同佢咃做朋友，3個月已經講到日文，6個月就識得睇日文報紙。」她表示在節目中負責教英文、同小朋友跳舞唱歌。

提到日本的工作經歷，「日本好誇張，每錄影完一集節目之後就會送花，而我生日月份，就會送上蛋糕和鮮花。（同香港有乜嘢唔同？）香港自由自在好多，日本好緊張個形象，尤其做兒童節目，感覺要好乾淨，所以我在外面唔可以去洗手間，唔可以畀人睇到我去洗手間，因為咁樣算係好污糟嘅嘢！」

{{hket:inline-image name="LESLEY1.jpg"}}{{/hket:inline-image}}

{{hket:inline-image name="12558724_1185072174855711_1395430184_n.jpg"}}{{/hket:inline-image}}

責任編輯：楊安莉