銅鑼灣玉姐抵冷擺攤風雨不改 熟客汪明荃唔止幫襯咁簡單？

汪明荃上傳了一張與銅鑼灣玉姐的街頭合照，玉姐是賣襪的檔主，由小販起家，至今已經擺攤50年。近日天氣非常寒冷，Liza姐在合照中包得勁密實，並留言話：「天寒地凍，老人家堅持開檔，令人佩服。」

{{hket:inline-image name="99.jpg"}}{{/hket:inline-image}}

汪明荃羅家英西貢6000萬超級皇宮 梯級打卡位逼爆50人合照 【下一頁】

Liza姐一向是玉姐攤檔的熟客仔，早在2019年1月，她上載與玉姐嘅合照說：「玉姐同我講，話 『我仲咁勤力，你都唔可以退 』！」兩人互相打氣鼓勵，原來嗰日Liza姐帶咗佢自家製嘅蘿蔔糕前去探望對方玉姐，網民亦即時大讚她「人情味濃」、「阿姐好貼地」等等，實在是非常難得的有心人！Liza姐主動跟玉姐合照，成其檔口的生招牌之外，原來還大有淵源！

（↓點擊圖片放大↓）

70多歲嘅玉姐50年前已經開始賣絲襪，由街邊小販做到地舖，賣襪嚟養大5個仔女。但隨後因為地舖業主要由原本8萬5千元嘅租金加至15萬元，令玉姐不堪重負！當時Liza姐和羅家英得知此事，而業主剛好是家英哥的契爺，遂主動出口幫忙協商，亦只能傾到租金打九折，玉姐仍要負擔每月十多萬元的租金，所以佢最終決定放棄有穩定人流的地舖，再次回到街邊擺攤檔。  

{{hket:inline-image name="33.jpg"}}{{/hket:inline-image}}

除咗Liza姐，藝人徐濠縈、關之琳、關寶慧都成日幫襯玉姐，玉姐更加提過阿徐讚佢好有品味。近日，關寶慧亦都上載了一張玉姐獨自坐在其攤檔前嘅照片，並留言：「婆婆在銅鑼灣擺檔超過50 年，風雨不改！本人小學時期已開始幫襯！不屈不撓精神令人敬佩！」玉姐堅忍不屈嘅精神真係好令人佩服，希望佢嘅攤檔可以喺銅鑼灣一直擺落去啦！

【拍拖20年】羅家英爆汪明荃當年主動求婚 做夫婦係奇蹟：我哋都空虛寂寞 【下一頁】