《家好月圓》 深夜重播│夏雨重溫劇集懷念李香琴金句 「佢係好值得我哋學習嘅前輩」

李香琴（琴姐）上星期逝世，為悼念她無綫特別在深夜重播《溏心風暴之家好月圓》，勾起不少網友的回憶，特別是甘家之間的恩恩怨怨，當年睇得觀眾非常肉緊。近日電視迷捱眼瞓重溫，在劇中飾演「Jo飽」的夏雨都有捧場，重看自己十幾年前的作品，連日來在社交平台分享感受。

《鬥氣一族》 夏雨老婆馬慧玲後生撞樣劉桂芳 為愛退出娛圈湊大2仔1女【下一頁】

{{hket:inline-image name="HA.jpg"}}{{/hket:inline-image}}

{{hket:inline-image name="RAIN1.jpg"}}{{/hket:inline-image}}

夏雨拍片分享感受，他表示：「大家好，好耐冇見，呢幾日凍呀，著多件衫！近排無綫12點重播《溏心風暴之家好月圓》，我都有睇，睇番呢齣劇有好多回憶不自覺咁湧上嚟。從拍攝到播出，令好多人好鍾意，觀眾反應令我哋好興奮。《家好月圓》好多場面、人事變動都令人好感慨。話晒都已經超過十年，琴姐『唔使驚，嫲嫲喺大廳』呢句台詞已經成為絕響，好多演員亦慢慢淡出幕前工作。黎耀祥由當時仲係默默無聞，而家已經係三屆視帝，好多嘢引起好多回憶，有時間的話大家一齊睇吓啦，懷念一下好多值得懷念嘅人。」

今日夏雨再上載短片，對於李香琴的離世大為感慨，「最近一個令人好傷感嘅消息，琴姐離開咗我哋。佢係好值得人懷念嘅演員，喺呢個圈幾十年，我哋都相識幾十年，由《歡樂今宵》一齊合作到而家，唉......終於都離開咗。《家好月圓》入面嘅台詞『唔使驚，嫲嫲喺大廳』都成為絕響。佢係個好好嘅前輩，佢對所有人都和善，乜嘢都唔會推搪，好敬業樂業、好有演員道德，值得我哋學習嘅前輩，琴姐一路走好。」

（↓點擊圖片放大↓）

溏心風暴之家好月圓︳「中仔」走肥變肌男輪廓出晒嚟 36歲溫家恆與陳法拉「姊弟情深」【下一頁】

《家好月圓》在2008年播出，無論收視和討論度都非常之高，成為當年TVB電視劇年度收視冠軍。叫好叫座之餘，一眾演員在《萬千星輝頒獎典禮2008》更是大豐收。劇集獲得「最佳劇集」殊榮外，夏雨及米雪亦分別獲封TVB「視帝」、「視后」，而李司棋亦獲得「我最喜愛的電視女角色」，成績一時無兩。

（↓點擊圖片放大↓）

責任編輯：楊安莉