包面代表組︳江嘉敏爆現千層肥糕搲代言廣告 吳若希跟方力申佛系減肥見成績

香港近日氣溫驟降，不少人待家抗疫期間狂食保暖，最終令體重暴漲，江嘉敏就是最佳例子。日前她出席無綫《萬千星輝頒獎典禮2020》時，身穿銀色直條緊身魚尾裙出晒事，昔日的S腰驚變脹爆水桶腰，她繞着何廣沛手臂行紅地氈時，一個微微側身動作，腰間贅肉即現「千層肥糕」，圓渾身段無所遁形。還記得她個多月前在台慶當晚，以黑色低胸緊身晚裝示人，當時的蛇腰索爆身段和現在簡直完全判若兩人，跌晒Watt。

{{hket:inline-image name="11.jpg"}}{{/hket:inline-image}}

江嘉敏這身晚裝盡顯大媽身段，有網民懷疑她曾修圖，欄杆都被她P彎了。(圖片：江嘉敏IG)

{{hket:inline-image name="16.jpg"}}{{/hket:inline-image}}

吳若希再做媽媽後，身材確係失色咗，要努力Keep fit先得。(圖片 : 吳若希IG）

短短個多月變了脹爆女神，江嘉敏亦心知不妙，她在IG上載當晚「肉照」自我解畫：「這幾天很冷啊，出去都多穿了衣服，不能穿羽絨就惟有多吃頓飯，亦謝謝一直給予我溫暖，支持我的飲食界客户，所以氣溫只有8度我也不覺得寒冷。到底有多少個飲食界客戶痛錫我，大家有目共睹。」既然已肥到一個點，又自嘲脂肪用來保暖，江嘉敏索性公開「搲撈」想做減肥代言人：「希望在新的一年可以吸納減肥界客戶！#飲食界最佳代言 #要搵減肥代言喇 #聰明地用手遮住應該遮嘅位置 #連未合作過嘅前輩都話要介紹健身教練畀我識」。有不少網民留言安慰她，「唔算肥，好靚呀」、「肥得咁靚邊個會介意」、「係揀錯衫著」，亦有啜核留言，「以為你大肚呀」、「全世界最好攬就是你」。

《野外步出》江嘉敏東龍島玩飛索驚到爆粗 懸崖邊喪嗌成粒鐘又喊又笑 【下一頁】

（↓點擊圖片放大江嘉敏條腰肥到點嘅樣?↓）

同樣是「包包面」的人妻吳若希（Jinny）亦加入減肥行列。Jinny去年生完第二眙之後，一直專心湊B未有修身，昨晚她在IG Story分享短片，片中她穿上深灰色浴袍置身浴室，一手拿着電話拍片、一邊說正在跟方力申的瘦身方法去減磅：「早排睇咗小方嘅佛系減肥法『168』，即係16個鐘唔食嘢，淨係8個鐘頭內喪食嘢，我就冇戒澱粉質，喺一個星期前我係61kg…」。說罷，Jinny隨即上磅睇成效，個磅顯示為「59.1kg」她即大叫：「嘩，輕咗2kg呀！」
（↓點擊圖片放大吳若希最新磅數大公開↓）

看來Jinny對減掉2kg甚為滿意，並上載一張浴室紅唇照慶祝，寫著：「好多人staycation去酒店廁所影相，我在家staycation了大半年～突然發現家裏的廁所也不賴」，但最搞笑是網民對她的浴室感興趣多過她瘦身成功，紛紛留言要她拍一次home tour，讚她浴室靚到似酒店，「點解屋企嘅toilet都可以咁靚 ，人靚係要住返一樣靚嘅地方」、「你個厠所大過我間屋」，亦有網民問Jinny，「老公有冇笑你有61kg」。

{{hket:inline-image name="14.jpg"}}{{/hket:inline-image}}

吳若希在家中浴室拍片，令其豪宅浴室曝光。（圖片：吳若希IG）

{{hket:inline-image name="22.jpg"}}{{/hket:inline-image}}

吳若希最高峰有61kg，會唔會仲重過佢老公Alex呢?（圖片：吳若希IG）

撰文：衛紫敏

黃祥興3200萬賣愉景灣豪宅套現? 一家五口住千呎紅磡安樂窩 【下一頁】

晴報MeWe 登場，即刻follow 我地啦：
➡️ https://mewe.com/p/skypost