42歲高齡誕下囝囝BBQ│車婉婉蒲老蘭緣份遇上光頭老公 奇蹟懷孕同對方講：「即刻戒煙」

車婉婉近日接受香港電台《守下留情》訪問，大談她的成長故事和入行經過，在美國出世的婉婉排行第三，小時候就跟兩個哥哥和一個弟弟一齊返港跟婆婆生活，媽媽繼續留美工作。由於全家都是男生，她直認自己性格爽朗，因小時候跟哥哥們玩橡筋繩、豆袋和欺負弟弟，一直恨擁有Barbie或椰菜娃娃玩具，可惜從未如願。

{{hket:inline-image name="134161473_3879332045418327_2002332731677127011_o.jpg"}}{{/hket:inline-image}}

婉婉直言由於家教非常之嚴，就算自小喜歡唱歌，校內歌唱比賽曾跟任葆琳、李懿華對賽，直至參與聯校歌唱比賽，才真正有機會夜歸和認識其他學校的男生。她自爆曾經跟肥媽Maria Cordero學過唱歌，「媽咪認識蔡立兒，佢介紹我哋三兄妹去肥媽度做徒弟，喺尖沙咀一個唱歌地方，佢帶埋我哋幾個做合唱團，如果乖可以獨唱呀！起初都有少少緊張，但就慢慢操大咗個膽。」

贏出新秀歌唱比賽之後，出碟之路不太順利，婉婉選擇回美國完成學業，返港後試過拍電影和拍劇。她直言一開始拍劇不太習慣，自己將《皆大歡喜》的角色視為《千與千尋》中的湯婆婆去演繹。同時她感激師兄許志安主動邀請唱合唱歌，希望可以挽救她的歌唱事業，才會有《會過去的》這首熱爆歌曲！

( 點擊圖片放大 )

車婉婉46歲登玉桂山慶生險拗柴 被嗌C9你係咪認錯人?【下一頁】

婉婉在單親家庭長大，媽媽正面教育她，「唔好因為冇父愛而否定自己人生，結婚生仔才令人生完整。單親家庭係有一定缺陷，我都有猶豫，但總覺得阿媽唔會老點我！」

提到跟中澳混血兒丈夫的相識，婉婉直認在蘭桂芳夜蒲時認識，笑言：「朋友話我知全條雲咸街最靚仔嚟咗，我去到見到又光頭又著埋晒尖頭鞋，真係完全唔掂！不過坐低傾偈認識咗，感覺都幾親切，唔錯！」後來拍拖三年結婚，由於年紀大，加上身體情況，醫生告知她很難懷孕，打算2017年找人工受孕的醫生幫忙，沒想到接受人工受孕前，自然懷上BBQ，「我驗咗兩支驗孕棒，然後行出廳同我老公講，『你同我即刻戒煙！』，我老公呆咗，即刻上網查吓呢個牌子檢孕棒有幾準！」

( 點擊圖片放大 )

車婉婉笑3歲囝囝吃貨出名大食 BBQ點樣靠一雙手冧暈媽咪？【下一頁】

由於婉婉是高齡產婦，加上子宮有瘤，不建議開刀剖腹，於是安排順產，痛足13小時才生下大隻仔BBQ！「好多後生女藝人同我傾開，我都叫佢哋早啲結婚、早啲生仔，唔使理人講乜嘢，人生係我嘅你理得我吖，關其他人乜嘢事？」

婉婉直言近年再次投入拍劇生活，主要因為她認為自己演戲上仍然有不足的地方，希望一邊拍劇一邊學習，更加進步。去年，她先後完成三個劇集拍攝的工作，十分充實。

{{hket:inline-image name="40235615_317080095514901_6123574146535260160_n_600.jpg"}}{{/hket:inline-image}}

{{hket:inline-image name="FAN1_600.jpg"}}{{/hket:inline-image}}

{{hket:inline-image name="118743981_1047385869042621_1208694336573243246_n.jpg"}}{{/hket:inline-image}}

責任編輯：楊安莉