《雙祥見》︳黎耀祥拍戲幸遇吳孟達救出火海 阮兆祥火燒旺地阿叻靠燒傷走紅

藝人拍動作鏡頭，遇到危險少不免，事前做足安全措施外，「執生」都是保護自己的最佳方法。阮兆祥、黎耀祥主持最新一集《雙祥見》，分享拍劇時的驚險事，黎耀祥重提1987年拍攝《書劍恩仇錄》險葬身火海，幸有前輩臨危不亂，先成功脫險！

{{hket:inline-image name="52.jpg"}}{{/hket:inline-image}}

阮兆祥、黎耀祥拍戲經驗豐富，講到危險場所，滔滔不絕有嘢講。（圖片：大會提供)

{{hket:inline-image name="51.jpg"}}{{/hket:inline-image}}

究竟講梗邊個男藝人隻手燒到皮甩？（圖片：大會提供)

最怕師父失蹤︳《西遊記》師兄弟《雙祥見》聚頭 獨欠「唐僧」江華全因梅小惠? 【下一頁】

1987年的《書劍恩仇錄》，由新人彭文堅飾演總舵主陳家洛，吳孟達飾演鐵膽莊莊主，黎耀祥扮演達哥徒弟。其中一場戲鐵膽莊遭清兵包圍，勢要火燒鐵膽莊！

黎耀祥︰「當時規模好大，特別搭建咗鐵膽莊嘅入口用嚟拍攝火燒場面，那年代未有電腦特技製作，都係真火上陣！兼且冇綵排及NG，演員、劇組人員顯得好緊張……」整個佈景都是威士、燃油，導演一聲action，火勢十分猛烈，佈景上的火焰不斷往下掉，封住了門口，演員根本衝不過去，「但係導演不斷催促大家衝出嚟，達哥經驗豐富，認為現場好危險，一直阻止我同其他演員衝出去……我也是新人，一時間唔知聽導演定係達哥話……最後信前輩啦，等啲火勢減弱冇咁危險先衝出去，最後叫做順利完成拍攝，但真係險象橫生！」

（↓點擊圖片放大↓）

至於阮兆祥稱，慶幸自己未遇過如此危險經歷，但深刻記得1982年陳百祥（阿叻）綵排台慶表演時發生意外，燒傷面和手，留院40天。

阿叻傷癒後轉拍電影，越拍越紅，試過一日拍超過九組戲，到1990年代返無綫拍攝綜藝節目《運財智叻星》﹑《我至叻》，收視大好，更在紅館開演唱會，阮兆祥︰「阿叻燒傷係應驗『火燒旺地』之說！」成名有代價，阿叻的手仍有燒傷的疤痕，「佢當時燒傷面積太大，醫生曾提議將屁股嘅皮移植到手上！阿叻一口拒絕，佢話咁同人握手時，咪即係畀人摸屁股！」

（↓點擊圖片放大↓）

講到燒傷，黎耀祥指武師出身的錢嘉樂亦有不少「戰績」，「嗰陣嘉樂拍攝一場船上爆炸場面，因負責撳爆炸掣嗰位同事早咗撳，船上嘅人未趕及跳船便爆炸！」當時幾名演員都是在燃燒著的狀態下跳海，當工作人員拉嘉樂上水時竟拉出手臂的整塊表皮，眾人被傷勢嚇親，「我只係聽，都覺得好痛好痛！」

撰文：衛紫敏

包面代表組︳江嘉敏爆現千層肥糕搲代言廣告 吳若希跟方力申佛系減肥見成績 【下一頁】