胡鴻鈞被降級│蔡思貝「棄車」全身行頭忽然富貴 傳黐洗米華疊水拍檔做「第四者」

有無綫發電廠之稱嘅出爐視后蔡思貝，入行僅七年就憑《踩過界2》打敗大熱龔嘉欣、黃智雯等奪得「最佳女主角」。蔡思貝演藝事業七年間都好充實又收獲豐富，不過都唔及佢嘅緋聞以及感情生活咁精彩！

{{hket:inline-image name="Wh.jpeg"}}{{/hket:inline-image}}

蔡思貝同排舞師手麥秋成分手，2017年被指撻著拍檔「人夫」王浩信，更有傳佢一度為對方自殘兼患上躁鬱症。之後再先後同拍檔周志文、洪永城、余德丞等傳緋聞，非常惹火！2019年底，蔡思貝多次被拍到跟胡鴻鈞行街拍拖，胡鴻鈞受訪更口快快指二人「係一齊」。雖然二人之後都係冇正式承認戀情，但胡鴻鈞人前人後大讚女方，更將胞姊嘅保時捷借予對方開工；去年母親節，蔡思貝更同胡鴻鈞以及胡媽媽一起吃飯慶祝，足證二人關係不淺，蔡思貝顯然已經融入家中 。

{{hket:inline-image name="65749072_887117001648648_2633147095841595307_n.jpg"}}{{/hket:inline-image}}

不過原來！二人嘅關係並唔係睇落咁穩定，獲視后當晚，有記者問蔡思貝會否同拎歌曲獎嘅胡鴻鈞一齊慶祝，她即表示兩人唔同範疇，不應混為一談，更希望大家不要將焦點放在兩人身上。其後「補鑊」指兩人係朋友，一定會相約慶祝㗎！

{{hket:inline-image name="e3f7a5d30daf4ca26ba0e0c0b77f3a86saasftp20200221.jpg"}}{{/hket:inline-image}}

有指蔡思貝原來搭上咗另一有米男，去年拍完太陽金業集團嘅金飾廣告後隨即被老闆之一嘅Sam睇中。30幾歲嘅Sam非常「疊水」，經常喺ig曬過百萬珍藏手錶，又上載300萬炒價名酒，仲有多架價值過百萬辣跑。Sam又試過用限量版LV名牌箱裝滿一億銀紙，奢華得好「土豪」！

據知Sam追求蔡思貝亦有使出銀彈攻勢，經常饋贈名牌，平日一向打扮樸素嘅蔡思貝近日明顯「風格」轉變，其中包括有價值6至7萬的Hermès包，價值6千左右的Chanel耳環，還有台慶夜價值約3萬的Chanel毛毛褸，同約值1萬嘅DIOR披肩。除咗送禮，男方仲畀蔡思貝任用自己嘅七人車同司機，非常體貼囉！

（↓點擊圖片放大 睇富貴蔡思貝↓）

不過，原來Sam其實係有婦之夫，而且曾被指包養奀星羅彩玲（Vivian），所以蔡思貝計落疑似做咗三奶。Sam被指已婚兼育有一女，去年被爆搭上Vivian後，已經激嬲老婆嗌離婚，估唔到而家會再殺出「第四者」。

蔡思貝否認被Sam追求，表示只是之前拍廣告時認識，有報道說佢借胡鴻鈞家姐嘅車，所以Sam主動幫手，「Sam哥問我需唔需要相熟司機contact，因為有時做嘢會方便一啲，所以我有時做嘢就搵呢個司機，每次用完都有計番當天嘅錢畀佢，所以冇乜嘢特別。」