【聲明】港生活網站並無進行電話推廣活動

首度演夫妻 黃智雯幻想與袁偉豪共浴

發佈時間: 2021/01/15

無綫新劇《把關者們》昨日舉行拜神儀式,新婚的袁偉豪與黃智雯雖然合作多次,但今次才「昇華」演夫妻。他們笑言親熱戲不多,黃智雯坦言幻想與人夫袁偉豪沖涼,可惜未能「如願」。

袁偉豪、黃智雯、王敏奕及陳家樂等,昨日穿了海關制服出席新劇拜神儀式。袁偉豪談到劇中親熱場面時笑說:「我同黃智雯有床戲㗎,成日瞓喺張床度傾下偈,但係無乜動作,始終電視尺度有限,親熱戲都唔會太激烈。」黃智雯搞笑說最親熱的場面,也只是她為袁偉豪洗頭:「我幻想過會有沖涼戲,因為現實中好多夫妻都係咁。」

袁偉豪與黃智雯更率先劇透,表示甚多慘情戲,袁偉豪說:「劇情發展講智雯身體唔好,最終小產失去BB,好傷痛。」黃智雯表示自身沒有這些經歷,曾向朋友了解:「我同袁偉豪好有默契,拍出嚟戲味好濃。」

陳家樂心口貼暖包

同場的王敏奕飾演陳家樂的上司,首次着制服拍戲的敏奕笑言自己的角色火爆又mean:「呢排演啲角色愈來愈惡,唔知幾時先可以做番真實嘅自己。」飾演見習督察的陳家樂則說:「以前都拍過紀律部隊嘅戲,不過喺《廉政行動2019》入面唔使着制服。」陳家樂表示稍後拍動作戲:「要拍上山下海戲,好似話過幾日好凍同落雨,但係要拍落水戲,都唔知點貼暖包,或者貼喺心口扮胸肌啦!」

採訪︰Pauline

攝影︰林良明

編輯:李潔盈

美術:顏玉玲

首度演夫妻 黃智雯幻想與袁偉豪共浴

王敏奕(右)在劇中霸氣鬧爆下屬陳家樂。