天天開運王│湯洛雯認批中去年遇上馬國明 被問婚期唔准陳定幫師傅爆料

湯洛雯（靚湯）跟馬國明感情打得火熱，多次傳出婚訊，女方早前更將婚嫁作賭注，揚言如果男朋友冧莊視帝的話，就即刻主動求婚！可惜最終馬國明輸畀王浩信，未能奪得「最佳男主角」殊榮。兩人的婚事點算呢？不少網友照樣留言催馬國明向靚湯求婚，好期待這一對戀人可以有情人終成眷屬呀！

萬千星輝頒獎典禮2020│馬國明未能冧莊視帝網友照催婚 大讚湯洛雯身材弗有肉地好攬【下一頁】

{{hket:inline-image name="TONG11_600.jpg"}}{{/hket:inline-image}}

{{hket:inline-image name="1AA_600.jpg"}}{{/hket:inline-image}}

{{hket:inline-image name="ma4_600_600.jpg"}}{{/hket:inline-image}}

近日靚湯獲邀為新春節目《天天開運王》錄影，《東張西望》和無綫娛樂新聞台派員採訪。片段中所見，她抽中一支「添丁」籤文，上面寫上「添丁運爆晒棚，開心到唔得閒」，只見靚湯笑不攏嘴，似乎都好喜歡這份祝福。她說：「我一抽到支籤，全場人起哄，我覺得大家比我仲開心。順其自然啦！」追問到何時添丁，「啋！未，師傅話我轉運，係殺破狼運，所以我要行性感路線！」同場薛家燕補充，行性感路線只限對住男朋友，不用對公眾，靚湯即時掩嘴大笑，非常受落。

玄學家陳定幫師傅透露2021年和2022年，靚湯和馬國明輪流紅鸞星動，意味有喜事發生，靚湯表示：「之前單身咗一段時間，我問過幾時會有，幫幫師傅批到我上年有嘅，（仲要月份都中埋！）係呀，個月份都準，前前後後嗰段時間啦！」主持人問陳定幫師傅到底靚湯的婚期是何時，靚湯、高海寧即時阻止他爆料，陳定幫說：「呢啲係客人私隱，唔講得！」

（↓點擊圖片放大↓）

2021年新年快樂│湯洛雯開綠燈只要一個條件即嫁 馬國明娶老婆9日後自有分曉【下一頁】

節目中靚湯一身鬆身冷衫上陣，遮掩住近日被指「幸福肥」的身形。她近日在IG直播，繼續狂食零食，網友讚她靚時，「多謝你讚我靚，不過都有人話我幸福肥，咁我係幸福嘅......」當介紹零食時，大家都瘋狂留言「馬國明」，「下次睇吓有冇機會我同佢一齊開直播啦，各位廣告客戶，歡迎你哋邀請。」趁機會搲情侶檔廣告，認真叻女！

靚湯透露大約3至4月會拍新劇，希望到時回復狀態。她表示拍劇時飲食不定時，所以成日為食食零食，令到身體肥胖，「自己易肥易瘦，減肥餐單是早餐食西柚、午餐如常食澱粉質，晚餐只吃肉類，就自然可以減磅！」認真得天獨厚！

（↓點擊圖片放大↓）

責任編輯：楊安莉