【保險男神】張家輝玩轉電影橋段大獲好評 鄭伊健洗腦喪播被誤認為顏福偉

踏入2021年，三大男神鄭伊健、張家輝以及古天樂咁啱得咁橋都為保險公司拍廣告，其中以張家輝嘅微電影廣告最受歡迎，短短6日已經有過500萬點擊，而鄭伊健嘅唱歌跳舞、古天樂模仿整蠱節目嘅廣告，都引起網民熱烈討論。

{{hket:inline-image name="871a456fbdeda68bf791b99304c5766b.jpg"}}{{/hket:inline-image}}

其中張家輝嘅廣告可以話係叫好又叫座，點擊率高之外網民都大讚拍得好睇：「第一次search廣告嚟睇，係一個好成功嘅廣告」、「唔覺唔覺睇晒5分鐘」。微電影中家輝大玩經典電影《阿甘正傳》中嘅橋段，重現阿甘坐喺巴士站食朱古力一幕，另外，又穿插《少林足球》經對白、《復仇者聯盟4：終局之戰》同埋《神探伽利略》諗到破案關鍵時，周圍寫下大量物理公式嘅情節。唔少人都大讚故事盞鬼又節奏明快，仲可以帶出佢嘅廣告訊息，真係要畀個服字佢！

不過有一位網民似乎係比較年輕，留言：「估唔到張家輝都可以搞笑。」佢嘅留言令其他網民非常大反應，感嘆有好大嘅代溝：「張家輝喎，化骨龍喎，佢出名搞笑喎！」

（↓點擊圖片放大↓）

而古天樂嘅廣告就相對地討論度冇咁高，只有20萬點擊，古仔喺廣告中模仿整蠱節目，化身餐廳經理畀驚喜顧客，將食物包裝做保險3寶，都非常入腦。

而鄭伊健嘅廣告喺網上約有200萬人次收看，廣告仲喺幾個電視台都有播出，非常洗腦！伊健喺廣告中開金口唱佢嘅新歌《STRONGER》，仲同一班年輕人跳舞，成個感覺非常陽光同活潑！好多人都話新歌有啲似鄧麗欣（Stephy）當年幫Online game賣廣告嘅歌曲；又有人話廣告感覺好80年代，仲話就咁聽聲以為係「白花油王子」嘅廣告：「仲以為顏福偉又出碟。」

（↓點擊圖片放大↓）

=========================
晴報MeWe 登場，即刻follow 我地啦：
➡️ https://mewe.com/p/skypost