剩女小儀與型男關智斌拖手遊樂園 嘴對嘴食冬甩小儀嗒糖嗌好挑逗

「剩女」阮小儀感情生活長Dry，今次拍香港開電視節目《小儀與13型男》，令她暫時脫離現實，輪住與圈中多位型男「拍拖」，繼張繼聰、葛民輝同「俄仔」Ansheles之後，最新一集小儀終於等到顏值爆燈的關智斌（Kenny）出場，難怪小儀於今集悉心打扮登場，以T恤短裙少女look來冧Kenny，節目更安排兩人到主題公園浪漫玩一day，小儀當然把握良機，和Kenny手拖手玩旋轉木馬及過山車，又繞住他的手臂，小鳥依人的挨著Kenny肩膊合照，但最惹Kenny粉絲妒忌的畫面，相信是小儀和Kenny嘴對嘴分享一個冬甩那一幕，過程中兩人鼻尖掂鼻尖，搞到小儀都受不住大呼：「好少有呢種Feel，原來咁得意嘅，掂鼻哥都會有種挑逗感覺喎。」

{{hket:inline-image name="46.jpg"}}{{/hket:inline-image}}

少女look小儀拖住型男Kenny坐旋轉木馬，個心有冇緊張到卜卜跳呢?（圖片：大會提供)

中學戀事︳葛民輝自誇讀書叻溫女多過溫書 小儀認較鍾情林海峰：佢靚仔啲 【下一頁】

面對Kenny這類型男，小儀自爆曾跟心中的「男神」約會過，不過，感覺並非想像般好，「有成功約會過，當時個心卜卜咁跳、係好開心嘅，但諗返轉頭約會時嘅自己，唔係真實嘅自己，變得好作狀，原來同一個幻想中100分嘅男仔約會，係會冇咗真正嘅自己。」小儀認為搵圈中人做男友比較吃力，Kenny感同身受說：「自己嘅圈子好難有戀愛發生，反而喺第二個地方會容易啲，冇咁多包袱。」他覺得做藝人或多或少有光環加身，當和另一半出街時，在外人的目光下某程度上成為一種阻礙，倘若身在異地，沒有大眾的目光會有更好發展。Kenny說的是經驗之談，並分享異地戀心得：「我有冇試過？梗係有啦，點會冇呀。感覺好開心，香港比較少坐公共交通工具，喺外地時兩個人一齊坐公共交通工具，坐電車周圍去，係好開心。」

（↓點擊圖片放大↓）

身為男神的Kenny，心目中的女神要具備「知性美」，即是有智慧、有修養、有內涵的女性，他喜歡的類型有孫燕姿和莫文蔚，而另一個首要條件是要有潔癖，「有咩類型女性會吸引到我？要教到我嘢，未必話要邊方面叻啲，但要有共同進步嘅目標，喺呢個社會唔做嘢、唔認真工作，好容易冇咗生活。」

（↓點擊圖片放大↓）

撰文：衛紫敏

靈異事件？︳肥媽直播指亡夫Rick常在身邊 「老公好百厭開冷氣整蠱我！」 【下一頁】