老婆單文柔呷醋？│陳展鵬44歲生日搞Party慶生 囡囡小豬比餵食甜柑冧到爆

陳展鵬因疫情關係，今年生日與家人待在家中慶祝踏入44歲，太太單文柔在IG分享她為老公所開的小型Balloon Party ，她在客廳放了展鵬英文名「RUCO」字樣的銀色氫氣球布置，還準備了一頓豐富晚餐，不過，單文柔並非身自下廚，因她知道展鵬喜歡食日本菜，所以專誠網上訂購日本空運海鮮，見到枱面放了海膽、牡丹蝦、三文魚籽、鱈魚子等，還有生日蛋糕及日本水果，齋睇已經流晒口水，難怪壽星佬展鵬都食到「舔舔脷」，捧着三文魚籽和海膽影相，對太太今次安排表示滿意，簡單但很幸福。

{{hket:inline-image name="12.jpg"}}{{/hket:inline-image}}

陳展鵬有女萬事足，今年會唔會努力造人，為小豬比添個弟弟或妹妹呢？（圖片：單文柔IG)

{{hket:inline-image name="07.jpg"}}{{/hket:inline-image}}

爸爸陳展鵬生日開Balloon Party，小豬比似乎玩得好開心。（圖片：單文柔IG)

預告缺席頒獎禮│陳展鵬兩年無劇出無緣角逐視帝 唔睇好王浩信反而揚言要撐前輩 【下一頁】

至於囡囡「小豬比」陳諾瑤，比爸爸玩得更開心，她坐在BB椅上，對飄在空中的氫氣球很好奇，不停拉來玩。壽星佬展鵬一臉幸福模樣，抱著小豬比及氫氣球，兩父女齊齊展示四萬笑容，相當合拍。一歲多的小豬比最識冧爸爸 ，她親手餵爸爸食日本柑，不過就將跌在枱仔上的果肉遞畀爸爸，展鵬即時張開口迎接，媽媽搞笑配文：「跌咗就畀PaPa食，唔緊要，第時大個唔好畀過期嘢PaPa食就ok。」小豬比好精靈，摘了一塊果肉，眼仔碌碌嗌「MaMa」，隨後將手上的果肉給媽媽吃，樣子可愛到爆，展鵬讚小豬比：「好Sweet喎你！你自己都要食一個。」小豬比的小手摘完果肉說「爸爸…黐立立…抹手」，展鵬秒速遞上紙巾給小公主清潔，果然是廿四孝爸爸。

（↓點擊放大睇相小豬比食柑超萌圖片↓）

壽星佬展鵬在剛過去的2020年投入拍攝的工作，可惜兩年冇劇出街，頒獎禮成績無奈地交白卷。早前拍畢的劇集《唐人街》被押後推出，在剛過的無綫頒獎禮更連視帝提名都冇份，但展鵬寄望今年會有好成績，預計他的3套作品《唐人街》、《逆天奇案》和拍攝中的《超能使者》會安排今年逐一推出，相信有望靠三劇的密集式攻勢，明年再次競逐視帝寶座。

（↓點擊放大睇相↓）

撰文：衛紫敏

剩女小剩女小儀與型男關智斌拖手遊樂園 嘴對嘴食冬甩小儀嗒糖嗌好挑逗 【下一頁】