陳偉霆出盡奶力與周迅鬥戲 重現失明式演技獲讚:他不紅誰紅

喺內地紅到發紫嘅陳偉霆（William）撈乜都咁掂，殺入內地後除咗唱歌同拍劇之外，仲有大量綜藝節目、廣告代言同大騷向佢招手；William又喺內地大搞佢嘅個人潮牌，都同樣風生水起，更加係內地年輕人嘅模仿對象！

{{hket:inline-image name="DtJfffS-fdOFUa2Qt2Ze3DibzAom1WTfzJ8UVsyfFFY.jpg"}}{{/hket:inline-image}}

近日William拍賀歲新片《侍神令》再有突破，佢喺片中飾演陰陽師慈沐，角色時正時邪，William會有一個正氣凜然嘅陰陽師造型，以及另一個紅長髮妖魅入魔look，咁大反差，少啲實力都搞唔掂！

{{hket:inline-image name="vRa7kLyJzI7x-WbbtVsTsnPGtjoP1e4qHx8z3R8fM90.jpg"}}{{/hket:inline-image}}

內地賀歲片《侍神令》，由陳坤、周迅、陳偉霆等紅星主演，故事改編自手機遊戲遊《陰陽師》。陰陽師能召喚妖怪，對抗邪惡勢力。男主角陳坤飾演半人半妖的陰陽師晴明，陳偉霆同樣飾演陰陽師慈沐，表面上正氣凜然，內裡心術不正，係陳坤嘅死對頭。

{{hket:inline-image name="OOyXL4EHwn8nFVEqBszttgq4IaWCQX1ncc9k4nHPZOI.jpg"}}{{/hket:inline-image}}

早前陳偉霆嘅入魔造型曝光成為焦點，戲中嘅佢紅色長髮，眼神邪惡，犧牲平日嘅靚仔形象完全冇偶像包袱被大讚專業！不過近日William同周迅嘅幕後花絮片段流傳，令佢演技再次被討論。

短片見陳偉霆掐住周迅嘅頸，眼神好有殺氣，另一邊的周迅亦被掐到缺氧、青筋突起。不過呢幕不禁令人諗起佢喺內地劇《活色生香》中的一段「失明式演技」。喺嗰段慘情戲入面，William攬住死去的舒暢又瞪眼又反眼，睇落就好似盲咗咁，不過就係喊唔出眼淚，仲要唔知仍係喊緊定笑緊，事後陳偉霆聲稱自己患有乾眼症難以流淚，最長更試過要用足半日來培養情緒先流得出真眼淚。

（↓ 點擊圖片放大 ↓）

網民反應兩極，內地有粉絲大讚佢演反派一流，睇到起晒雞皮：「他不紅誰該紅？」；不過都有人話佢事隔多年演技依然睇到人好尷尬：「唔係瞪大隻眼就係好戲呀大佬！」