契仔張學友賀壽 │胡楓89歲大壽搞網上生日會慶祝 修哥飲水畫面足見情深感動網友

1月18日是胡楓（修哥）的89歲大壽，由於新冠肺炎疫情影響的關係，修哥未能如以往跟家人大肆慶祝。身在外地的子女、孫仔女和曾孫仔女暫時未能返港團聚，所以修哥的新抱決定為他準備網上生日會，招呼所有親朋好友為修哥慶生，雖然只是隔住熒幕，但仍然非常歡欣。

【踩過界II】胡楓演殺妻老翁淒涼心痛咬拳 老戲骨雪妮冇對白靠眼神超好戲【下一頁】

{{hket:inline-image name="46068f9d-b014-456a-bbb5-943fe47cef91.JPG"}}{{/hket:inline-image}}

{{hket:inline-image name="WU2.jpg"}}{{/hket:inline-image}}

片段中見到很多跟修哥餅印一樣的家人，每一幅畫面都迫滿人，非常熱鬧。家人齊齊為修哥獻上生日歌慶祝，見到修哥笑得非常樂開懷，相信這就是他的最好禮物。除了家人之外，修哥在圈中人緣非常之好，契仔張學友、張家輝、安德尊、鄭俊弘、呂慧儀、湯盈盈等都有參與直播賀壽，而苗僑偉、米雪、羅蘭、Joe Junior等亦有拍片祝賀，絕對是星光熠熠。

（↓點擊放大圖片↓）

【懷舊香港】修哥為演戲對抗爸爸離家出走 羅蘭姐大讚：「入大染缸都唔上色」【下一頁】

無綫娛樂新聞台派出女主播潘盈慧採訪今次的派對，修哥透過視像接受訪問，表示：「呢個係我新抱安排嘅，見到咁多人真係好開心！有《愛回家》一班靚女，呂慧儀同湯盈盈，另外鄭俊弘、張學友都有。我生日願望年年都係咁喇，生日希望開心、健康，仔女孫媳都平安，所有朋友都平安大吉。」訪問期間，修哥拎起水杯飲水解渴，沒想到眼利的網友見到他的水杯印有跟亡妻呂詠荷的合照，足見修哥對亡妻的思念未減，感覺她亦能一齊參加這次的聚會，畫面非常溫馨感動。

修哥接受《晴報》電話訪問，他表示：「新抱幫我聯絡咁多人，事前唔知有咁嘅科技(網上派對)，當日下午3點開始，好似逐圍枱逐圍枱咁傾，我都唔知有幾多圍，又有身在海外嘅家人唱生日歌，好正！好開心！」修哥不諱言事前不知道那麼多契仔契女在網上祝壽：「好多朋友都有嚟，我同學友、家輝有傾下閒偈，黎明都有錄Video畀我，身在海外嘅孫及佢哋嘅小朋友又一齊唱生日歌！」提到今年是否希望順利開騷，修哥笑言：「原定上年的演唱會都要延期，今年都Book咗6月中嘅檔期，希望OK！」至於正日，老當益壯的修哥也不言休：「我會返電視城開工拍《愛‧回家》，之後有兩個節目都會幫我慶祝，晚上就返家同家人食飯！」

（↓點擊放大圖片↓）

片段中，好友羅蘭姐表示知道修哥最緊張是他的演唱會，事關修哥2018年以86歲高齡開辦紅館演唱會，打破了最大年紀開騷的紀錄。原本打算去年開辦88歲演唱會再為自己刷新紀錄，可惜由於疫情的關係，所有演唱會幾乎完全停辦，修哥的演唱會暫時延期，如果今年能夠成功舉辦，那他就以89歲高齡再破紀錄，精力和毅力實在令人佩服。

責任編輯：楊安莉