聽者有心｜預約剪髮一句話觸怒髮型師 被斥「我唔係貨品」 港男疑問：我無禮貌定佢敏感？

「說者無意，聽者有心」，往往會令人與人之間產生誤會。一名港男在網上發帖，指自己日前預約了髮型屋剪髮，未料因為一句無心說話，竟然無故觸怒了髮型師。對此他不禁反思自己的說話，並公開詢問網民：「我咁講其實係唔係真係好無禮貌？定係個髮型師敏感？」

該名港男上周四（14日）在網上討論區「連登」發帖，指當日他預約了下午3時剪髮，2時45分左右到達髮型屋後，在店外看到預約的髮型師，於是便上前禮貌地打招呼，

「Hello呀，我今日book咗你3點。」

未料，事主的一句說話卻觸怒了髮型師，「之後佢突然躁躁地話『我唔係貨品啊，唔好用個book字啊』，搞到我呆咗，之後我話ok。」事主對此感到不知所措，直言「無諗過佢咁介意呢啲字眼」，「我真係冇貶低佢嘅意思，估唔到佢會嬲咗......」因此，他向一眾網民詢問道：

「我想搞清我咁講其實係唔係真係好無禮貌？定係個髮型師敏感？」

此事引來網民熱議，有人認為髮型師可能是「太有性格」、過分敏感的同時，亦有人認為事主的說話及時機確有不妥之處；有人又建議事主，以後應改為說「make咗你appointment（預約了你）」：

（↓點擊圖片放大↓）

對此，事主表示自己當時是「笑住有禮貌咁講」，並沒有態度欠佳的問題；所幸對方尚算專業，發生不愉快事件後亦沒有將他的頭髮亂剪。但無論今次誰是誰非，他都不會再去光顧，同時以後亦會多加注意措辭，

「不過我下次都唔會再搵佢，畀佢咁講我都唔係幾開心......唉，所以講嘢真係要好小心，我自問平時講嘢都極少得罪人。」

日本奧運選手淪AV女優患躁鬱症，17歲遭性侵曾流產兩度婚姻失敗，詳情即睇：【下一頁】

每朝索取《晴報》：精明生活．健康家庭．開心娛樂 

責任編輯：李凱晴