【聲明】港生活網站並無進行電話推廣活動

無記性放蘇麗珊飛機 大肚余香凝:蠢咗好多

發佈時間: 2021/01/18

有說「一孕傻三年」,去年聖誕節宣布佗B的余香凝,完美展現無記性一面。昨日她自爆忘記相約了好姊妹蘇麗珊,更走去瞓晏覺,幸好蘇麗珊沒有嬲豬,反而令余香凝更加不好意思。

去年尾嫁人兼佗B的余香凝,目前安胎之際,依然活躍於社交平台。昨日她在網上曬新相,手持bagel的她以鬆身衫遮肚,大騷白滑美腿。她自爆前日相約蘇麗珊在屋企樓下交收,但自己竟然爽約:「我由細到大都係一個極守時嘅人,最憎人遲到,點知今次自己比遲到更過分…約咗Ceci(蘇麗珊)四點左右喺樓下拎bagel,點知我完全唔記得咗,然後由3:45pm瞓晏覺瞓到6:15pm,一起身見到電話有三個missed call。」

余香凝大讚蘇麗珊不但沒生氣,更山長水遠再來送上bagel,令她甚為內疚。她說:「孕傻呢兩個字真係好恐怖,我真係蠢左好多(本身已經唔係好叻)。」蘇麗珊留言安慰說:「孕婦大晒㗎喎,好好享受呢個食完就瞓、瞓完再食嘅生活。」

撰文︰Pauline

編輯:李潔盈

美術:梁政敏

無記性放蘇麗珊飛機 大肚余香凝:蠢咗好多

蘇麗珊近日自製bagel售賣。(IG圖片)