「男歌星」鬧雙胞︳周柏豪見歌迷割席坦言唔開心 傳思貝做小四 胡鴻鈞：佢好獨立

周柏豪和胡鴻鈞於無綫《勁歌金曲頒獎典禮》齊奪「最受歡迎男歌手」獎項，近年被外界指該頒獎禮已變成「星夢歌手頒獎禮」，獎項明益「自己友」成豬肉獎。今屆「最受歡迎男歌手」獎首次出現鬧雙胞，柏豪成功冧莊外，亦讓好友胡鴻鈞初嚐「最受歡迎」的滋味。

柏豪話同老友一齊攞獎好開心：「私底下我哋經常一齊打波、食飯，見住老友一日一日進步好戥佢開心！今年我專心照顧家庭，可以攞到獎好開心，多謝支持我嘅人。（但個獎畀人分咗半？）可能公司覺得我哋都值得受到嘉許，而家嘅年代唔會視對方為勁敵，啲想法咁老土！最緊要做好自己。」

{{hket:inline-image name="01.JPG"}}{{/hket:inline-image}}

胡鴻鈞奪5獎，是男歌手大贏家，而且未想過可以和周柏豪平分「最受歡迎男歌星」獎項。（圖片：東星娛樂）

此外，柏豪因之前接受陳百祥（阿叻）訪問時作政治表態，網民反應激烈。柏豪稱得到好多朋友關心，但不多作回應，現在只會珍惜目前的一切。唔少粉絲表示和他割席，將他所有CD及作品丟掉發洩不滿，柏豪稱：「多謝佢哋多年嚟嘅支持，之前有段時間自己的確唔開心嘅，但都會繼續努力前行，唔想我個人嘅狀態影響到身邊嘅團隊和工作人員。企喺台上要令自己有信心，而家屋企人係我最大能量，尤其個女，佢開心、安全、平安係我呢兩年嘅首要目標！」

至於胡鴻鈞首次奪「最受歡迎男歌手」獎，即使是「半個獎項」，他一樣開心，「因為冇諗過會拎到呢個獎。」他被取笑和緋聞女友蔡思貝一齊「稱王封后」，可會一齊慶祝？「有時間希望一齊慶祝，但仲未得閒，我都戥佢開心！有send message畀佢，同佢講咗聲加油。」雖然不同範疇，一個演戲，一個唱歌，但胡鴻鈞稱平時同女方都會互相提點，分享大家專長。他大讚蔡思貝︰「其實佢唱歌係有天份嘅，但係佢都係唔好再唱啦，唔好搶埋我飯碗！」

2020年度勁歌金曲頒獎典禮│視帝王浩信率先連掃兩個獎走先 袁偉豪39歲拎新人獎多謝老婆 【下一頁】

（↓點擊圖片放大↓）

近日傳蔡思貝背著他搭上有澳門洗米華的有米拍檔，兼做「第四者」，胡鴻鈞說有留意新聞，有冇唔開心？「我冇唔開心，呢個圈有咁多人，是非都多！」還力撐她，「其實我認識嘅佢向來都係好獨立，靠自己能力。佢好叻嘅，好多難題都可以自己解決！」講到女方將他降呢做「朋友」非「好朋友」，他一句到尾「總之我哋係朋友啦」。至於對方的新戀情發展，他沒有正面回應。女方再問你家姐借車？胡鴻鈞好大方，「佢有需要都會借嘅。」

菊梓喬 (Hana) 連續三年奪得「最受歡迎女歌星」獎，全晚囊括5.5個獎成為大贏家，Hana表示好開心，因為每個獎得來不易，而劇集亦令到歌曲受歡迎，因少了吳若希這位競爭對手？她即連聲否認，「佢唔係競爭對手，佢係一位前輩，我好衷心祝福佢，湊BB係一件好幸福嘅事！」

（↓點擊圖片放大↓）

撰文：衛紫敏

2020年度勁歌金曲頒獎典禮│周柏豪胡鴻鈞瓜分歌王寶座 菊梓喬獨攬5.5個獎成大贏家 【下一頁】

=========================
晴報MeWe 登場，即刻follow 我地啦：
➡️ https://mewe.com/p/skypost