職場奇事｜請無薪假接中風母出院 打工仔被老闆要求候命 網民「請假唔係大晒論」惹議

不少打工仔就算請假都要隨時候命工作。有打工仔發文透露，指日前申請放3.5小時無薪假接病母出院，老闆雖然答應，卻交代她要隨時「On Call（候命）」，有需要時仍要處理公事，令她大感無奈。然而，有網民則指「請咗假唔係大晒」，認為事主若覺得非必要，大可忽略老闆要求，毋須在社交平台訴苦，言論引起其他網民熱烈討論。

「放假要On Call？」Facebook專頁「奴工處」上周四（14日）早上刊登女網民「Fish」的投稿，她表示母親早前中風入院，直至日前終可出院，但需要人接送和照顧。事主就此向公司老闆表達情況，並申請當天下午放3.5小時無薪假，未料請假後不夠5分鐘，老闆的指示卻叫事主大感無言，她憶述：

「老細出嚟同我講，叫我當日記得On Call做公司嘢。」

職場辛酸｜爺爺離世打工仔請假送最後一程，公司要求假紙填爺爺死因，詳情即睇：【下一頁】

認為放無薪假照開工合理

Facebook專頁於當天晚上再次刊登事主的投稿，交代事件後續。她表示當時聞言後大感錯愕，便向老闆建議如公司有急事，她可以銷假再著男友請假接母親出院，沒想到對方竟回應道：

「其實叫你放No Pay（無薪假）做嘢有咩咁Concern（顧慮）？」

不少網民看到帖文後，均批評事主老闆的要求無理：

↓ 點 擊 圖 片 放 大 ↓

網民「請咗假唔係大晒論」惹熱議

然而，有網民卻提出「請咗假唔係大晒」，指老闆只是提出其想法，事主不一定要跟從，

「無頭無尾又唔知係咩工，若果唔係工作需要，你聽完就算，唔係要職無需要On Call，咁咪由老細發噏瘋，唔做都得，使喺度呻咩？真係奴性太強，老細講一句都要屈住喺心？」

其「請咗假唔係大晒論」旋即引起熱議，不少網民紛紛留言反駁：

↓ 點 擊 圖 片 放 大 ↓

職場奇事｜見工一句話惹怒中女面試官 遭狂罵5分鐘：咁後生想做高級職位？詳情即睇：【下一頁】

文章獲Facebook專頁「奴工處」授權刊登。

每朝索取《晴報》：精明生活．健康家庭．開心娛樂

撰文：蘇麗儀