【最受歡迎新人】袁偉豪3年無間斷被踩情緒低落 急急斷食兩日:唔驚你話我肥腫呀?

39歲袁偉豪（Ben）上個星期喺《萬千星輝頒獎典禮2020》同周柏豪勇奪「最佳節目主持」獎，而尋晚又再喺勁歌金曲頒獎典禮奪得「最受歡迎新人獎」，真係做邊瓣都掂！Ben被問到而家先拎新人獎會唔會覺得尷尬，佢就話雖然自己加入娛樂圈多年，但音樂就係舊年先開始做，所以名義上都係新人。佢表示覺得做音樂嘅環境同拍劇好唔同，好嚮往現場玩音樂嘅感覺，往後仍會繼續作歌。

{{hket:inline-image name="m22_600.jpg"}}{{/hket:inline-image}}

自從Ben3年前同老婆張寶兒公開拍拖後，佢哋嘅新聞都離唔開對方，佢曾大讚老婆張寶兒旺夫，而事實自二人拍拖Ben嘅事業都好旺，獎項一個接一個，更喺投資上都有斬獲，身家都多咗唔少。不過隨次而來嘅負面新聞亦都唔少，有人踩佢黐有錢老婆「食軟飯」；有人更話Ben做鴨，不過Ben一直都保持正面少理閒言。然而近日有輿論「燒」埋Ben嘅外形，指佢婚後大走樣，令到佢3年間嘅怨氣爆發，喺社交平台打下長文為自己「平反」。

相關新聞：袁偉豪被嘲婚後外表走樣變醜男 千字文反擊：每一個人也會變老【下一頁】

{{hket:inline-image name="140070307_319176482779979_8042378835702977951_n.jpg"}}{{/hket:inline-image}}

尋日Ben接受記者訪問時心情似乎已經平伏咗，指自己「已經嬲完」:「過咗就冇事，但情緒都有啲低落，我唔想件事沒完沒了，坦白講我可以唔回覆，但我係重視大家嘅評論，已經忍咗三年，我知道只係好小撮朋友，但我又冇得罪佢哋，咁樣未免太過苛刻，我唔想有負能量影響，令到自己唔舒服，所以透過社交平台表達意見，大家都有自由，我覺得有時唔使踩得太盡。」Ben又話面對批評惟有「做好啲」，但有時係踩完10幾個鐘休息一陣又再做嘢，冇辦法掩飾疲態。

（↓點擊圖片放大睇Ben重現輪廓↓）

記者問到Ben有冇為咗平反「走樣」而敷番個mask先出席活動，佢就無奈自嘲：「我即刻唔食嘢兩日啦，仲唔驚你話我肥腫呀？」Ben更講到原來係張寶兒先發現有關報道：「其實係佢傳畀我睇，佢叫我唔好擺上心，叫我加油。但我又手多，臨瞓前打了咗呢篇嘢只係想宣洩，總之我係重視佢哋先回應佢哋。」