入廚小工具│淘$9洗米神器雙手免沾凍水 主婦大讚：有啲無聊但好實用

冬天洗碗、洗食材叫人痛苦，最近一名主婦分享購入「洗米神器」，毋須沾濕雙手便可輕鬆洗米和隔水。她笑言該產品雖然看似「無聊」但相當實用，又形容洗米時再也不會「凍到手都赤」。

該名主婦在facebook群組「淘寶開心share」發帖分享使用心得，指自己從淘寶購入一件「洗米神器」，日前嘗試以之洗米，雙水毋須沾到冰冷的水，剛好適合近日使用，因而對此讚口不絕：

「雖然有啲無聊，但呢幾日真係好實用！啲水凍冰冰，用咗佢唔使凍到手都赤。」

事主分享影片示範，可見該產品為棒狀工具，她手持「洗米神器」攪拌白米，再以中間的漏水孔擋板隔走清米水，期間雙手都沒有被水沾濕。

（↓點擊圖片放大↓）

據賣家資料顯示，該「洗米神器」售價最低為7.5元人民幣（約9港元），產品由手柄、擋板及塑膠刷組成。賣家表示，使用該產品後毋須再徒手洗米，減少對手部的傷害；其漏水孔擋板設計，可防止白米在倒水時倒出，且不會手掌黏滿白米。除了洗米，亦可用作洗黃豆等顆粒狀食材。

（↓點擊圖片放大↓）

網民質疑實用性

帖文引起不少網民討論，有人表示對產品有興趣，「好用咁喎」、「噚日睇過條片有人用嚟洗藜麥，唔使洗到一手都係幾好」、「正喎，天氣凍時真係唔想洗米㗎」 。不過亦有人認為該產品實用性不高，多此一舉，「使唔使啊？用手洗都好方便啫」、「用個刷洗完米又要洗返個刷？」、「咁洗菜有咩代替隻手？呢嚿嘢有啲多此一舉」。另有網民提醒，部分電飯煲內膽塗層容易被刮花，應避免直接在內膽洗米。

但有網民則認為，產品實用性高與否，要視乎用家需要，「要明白有啲人手指有關節炎，洗完咁凍嘅水係會痛成日，所以如用家開心外，有啲人係有需要㗎！」亦有使用過的網民大讚，當手指受傷時，或遇上寒冷天氣，「洗米神器」便大派用場，「總之有需要時，就覺得有智慧和好好用」。

荷蘭豆難去絲剝到手指痛，主婦淘$6剝豆神器護指快速剝，詳情即睇：【下一頁】

每朝索取《晴報》：精明生活．健康家庭．開心娛樂

撰文：黎穎芯