母親的抉擇︳執屋遇著阿媽件件都話留 蔡楓華卡式帶VS古董衣車掉邊樣？

ViuTV最新一集《執屋》，今次主持人英健朗（小占)、王頌茵（Kathy）及「雜物諮詢師」阿橙為屋主阿蘇解決空間不足的煩惱。阿蘇和媽媽及女友同住，之前他想感覺開揚些，遂將自己的房間的牆拆去，變成開放式，「拆走咗啲牆後，空間多咗，點知擺嘅嘢就越嚟越多！而家女友嚟埋住，所以諗住整番間房，想裝修清走唔要嘅雜物。」

Kathy、阿橙異口同聲指，阿蘇在這裡住了超過二十年，雜物自然埋積下來，「因為你哋隨手就擺低啲嘢，啲雜物係咁蔓延……擺到落到地下嘞！櫃門都開唔到！」

{{hket:inline-image name="05.jpg"}}{{/hket:inline-image}}

主持人小占、Kathy對屋內幾幅用貝殼砌成嘅畫作好有興趣。（圖片：電視截圖）

《執屋》︳港女惡習一屋化妝護膚品 手信放4年發霉變臭冇人知 【下一頁】

不過，執拾過程中，難題就出現了，事關很多儲下來的舊物件都是蘇媽媽的珍藏，要得她允許才可以丟掉！

阿橙在買餸車內，發現一箱卡式錄音帶 ，是蔡楓華、鄭少秋、區瑞強的卡式帶，保守估計「年資」超過30年以上！還有一部積滿塵垢的手提卡式機……當大家打算把它們棄掉時，蘇媽媽突然從房間步出，大喊「我全部都要留呀！」除了絕版卡式帶唔掉得，大堆雜物中發現幾個已生銹鐵盒，其中一盒滿是舊錢幣及紙幣，小占拿起一枚五仙查看，驚見年份係「1891」，「我Check過20世紀嘅五仙都值幾千蚊，呢個仲要十九世紀，真係唔知值幾錢！」蘇媽媽稱一箱錢幣是阿爺留落，一定、一定、一定要留起保存！

（↓點擊圖片放大↓）

阿蘇屋企彷彿變了時間囊，蘇媽媽在廚房收埋了同樣超越半世紀的古董衣車，表示好多物件都值得留念︰「都擺咗十年冇郁佢，部衣車我諗都有六、七十歲，大過我呀！」雖然衣車部分零件已壞無法再用，但蘇媽媽依然食嗰句「擺住先」，令兒子都忍不住，「不如你收埋喺腦入面算啦！」

阿橙即時發揮雜物諮詢師之技巧，「唔用嘅嘢放喺度都係浪費，不如畀啲會用到嘅人，延續佢嘅生命啦！」蘇媽媽態度終於軟化，「如果有人收古董衣車，就收咗佢走啦！」而她之前堅持要留來紀念的一批蔡楓華卡式帶，阿橙就出動金錢誘惑，起初出價50蚊，蘇媽媽不為所動，後來阿橙說︰「假設有人出80蚊呢？」蘇媽媽即時轉軚，「咁都可以放下手嘅！」

處理完這些珍藏後，大夥兒再到其房間「大作戰」！蘇媽媽的上格床堆滿被單等雜物，阿橙逐一執拾清理，Kathy在打掃櫃頂時更掃出一個拳頭般大的灰塵！阿橙表示以上格床來收納雜物並非上佳選擇，「一張上格床有深度，你係好難拎到放喺最埋邊嘅物件，有埋床欄就更加難攞，所以，只適宜放收藏品、唔會成日拎出嚟嘅嘢咁。如果有得選擇，最好改善方法就係轉用架或者櫃。」

（↓點擊圖片放大↓）

撰文：衛紫敏

「男歌星」鬧雙胞︳周柏豪見歌迷割席坦言唔開心 傳思貝做小四 胡鴻鈞：佢好獨立 【下一頁】