【聲明】港生活網站並無進行電話推廣活動

遭粉絲棄掉唱片割席 周柏豪:當然唔開心

發佈時間: 2021/01/19

《2020年度勁歌金曲頒獎典禮》前晚頒發多個獎項,當中「最受歡迎男歌星」歷史性首度鬧雙胞,由周柏豪及胡鴻鈞一同奪得。柏豪笑言開心與胡鴻鈞一齊攞獎,但提到近日遭粉絲割席,柏豪坦言不開心,但只能繼續努力前行。

今年冧莊「最受歡迎男歌星」的周柏豪,不但沒有因獎項被瓜分而不開心,反而戥好友胡鴻鈞初次得到這個獎項而高興。柏豪說:「私下我同胡鴻鈞成日一齊打波食飯,睇住老友一日一日進步,好戥佢開心。今年我專心照顧家庭,可以攞到獎好開心,多謝支持我嘅人。(但獎項被分了一半?)可能公司覺得我哋今年都值得嘉許,呢個年代唔會有『視對方為勁敵』嘅老土想法。」

另外,柏豪早前接受陳百祥(阿叻)訪問時就政治表態,引來網民熱議。柏豪說:「好多朋友關心我,無咩好回應。」提到不少歌迷棄掉他的唱片割席,柏豪說:「多謝佢哋咁多年支持,見到支持我嘅人對自己失望,當然唔開心,但我會繼續努力前行,唔可以因為唔開心而影響工作,我個人嘅狀態會影響到我身邊嘅團隊同工作人員。」他坦言家人給他最大的支持和能量:「尤其係我個女,佢開心、安全、平安係我呢兩年嘅首要目標。」

胡鴻鈞首奪男歌星勁驚喜

首奪「最受歡迎男歌星」的胡鴻鈞則大感驚喜,提到他與緋聞女友蔡思貝一齊「稱王封后」?他笑言希望之後一起慶祝:「我哋未得閒啊,但我戥思貝開心。」他更大讚思貝唱歌有天份:「不過佢唔好再唱,唔好搶埋我飯碗。」

有傳蔡思貝搭上周焯華(洗米華)的生意拍檔Sam,胡鴻鈞力挺女方:「呢行是非多,佢向來都好獨立又好叻,靠自己能力。」提到思貝將他「降呢」為朋友,他只說:「總之我哋都係朋友啦。」

採訪︰Pauline

攝影︰林良明

編輯:李潔盈

美術:梁政敏

遭粉絲棄掉唱片割席 周柏豪:當然唔開心

周柏豪對部分歌迷離棄他,坦言感到不開心。

遭粉絲棄掉唱片割席 周柏豪:當然唔開心

譚嘉儀獲「最佳演繹女歌星」,在台上感動得變大喊包。